مارال بۇعىباي, گازەت وقىرمانى:
– قۇرمەتتى رەداكتسيا! مەنىڭ مىناداي ساۋالىم بار: جۋىردا اقىلى ەڭبەك دەمالىسىنا شىعاتىن ەدىم. زاڭ بويىنشا ەڭبەك دەمالىسىممەن بىرگە ەم-دوم قابىلداۋعا ماتەريالدىق كومەك الۋىما بولا ما؟
وقىرمان ساۋالىنا ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەكاقى تولەۋ باسقارماسىنىڭ باس ساراپشىسى اينۇر ەرماحانوۆانىڭ جاۋابىن ۇسىنامىز.
– بۇل ماسەلە ءار قىزمەتكەردى جۇمىسقا قابىلداعاندا (ول اق, جشس بولسىن) بەرىلەتىن ەڭبەك شارتىندا, ۇجىمدىق شارتتا انىق كورسەتىلەدى. ەڭ اۋەلى سول شارتتى جاقسىلاپ وقىپ شىعۋ كەرەك. سودان سوڭ ماتەريالدىق كومەك الامىن دەگەن ادام ءوزى جۇمىس ىستەيتىن مەكەمەنىڭ باسشىلىعىنا ءوتىنىش بەرۋى كەرەك. ەگەر دە ەڭبەك شارتىندا, مەكەمەنىڭ ىشكى ەرەجەلەرىندە ماتەريالدىق كومەك بەرىلەتىنى جونىندە جازىلعان بولسا, وندا مىندەتتى تۇردە تولەنەدى. ءار قىزمەتكەردىڭ دەنساۋلىعىنا قاتىستى بەرىلەتىن ماتەريالدىق كومەك دەگەن بار. ول دا ءار مەكەمەنىڭ ىشكى اكتىلەرىندە جازىلادى.
