«حالىق قاتىساتىن بيۋدجەت» جوباسى اياسىندا استانا قالاسى الماتى اۋدانىنىڭ اۋماعىن اباتتاندىرۋ بويىنشا 171 ءوتىنىش ءتۇستى, دەپ حابارلايدى astana-akshamy.kz.
الماتى اۋدانىندا «حالىق قاتىساتىن بيۋدجەت» جوباسىنا قاتىسۋعا وتىنىمدەر قابىلداۋ اياقتالدى.
تۇرعىنداردان تۇسكەن ۇسىنىستاردىڭ باسىم بولىگى بالالار مەن سپورت الاڭدارىن سالۋعا نەمەسە جوندەۋگە قاتىستى بولدى. ونىڭ ىشىندە قوعامدىق الاڭدار, ورىندىقتار, قوقىس سالاتىن جاشىكتەر ورناتۋ, اۋماقتى كوگالداندىرۋ, سونداي-اق تروتۋارلاردى سالۋ جانە جوندەۋ جۇمىستارى بار.
قالا تۇرعىندارىنىڭ بارلىق جوبالىق ۇسىنىستارى ساراپتامالىق كەڭەستە قارالادى. ساراپتاۋ كوميسسيالارىنىڭ باعالاۋ ناتيجەلەرى بويىنشا «حالىق قاتىساتىن بيۋدجەت» جوباسىنىڭ ەرەجەلەرى مەن شارتتارىنا سايكەس كەلەتىن جوبالارعا داۋىس بەرۋ كەزەڭىنە جىبەرىلەتىن بولادى. ەڭ ۇزدىك جوبالارعا ونلاين داۋىس بەرۋ 2024 جىلعى 5 ءساۋىر مەن 24 ءساۋىر ارالىعىندا اۋداندىق اپپاراتتىڭ رەسمي سايتىندا وتەدى. تۇرعىنداردان ەڭ كوپ داۋىس جيناعان وتىنىمدەر جۇزەگە اسىرىلادى.
