التى مىڭ ادام قاتىسادى
«ەكسپو-2017» حالىقارالىق كورمەسى اياسىندا شىۇ-عا مۇشە ەلدەردىڭ سپورتشىلارى جانە ەرىكتىلەردىڭ قاتىسۋىمەن وتەتىن مارافون جارىسىنا التى كۇن قالدى.
استانا حالىقارالىق مارافونى ەڭ اۋقىمدى سپورتتىق-مادەني شارالاردىڭ ءبىرى بولعالى تۇر. «ەكسپو-2017» اياسىندا وتەتىن مارافون 2017 جىلدىڭ 27 تامىزىندا تاڭعى ساعات 08:00-دە باستالادى. مارافوننىڭ مارشرۋتى استانانىڭ سول جاعالاۋىنداعى باستى كوشەلەردى قامتيدى. سپورتتىق شاراعا شىۇ-عا مۇشە ءاربىر مەملەكەتتەن جالپى 50 كاسىبي سپورتشىنى تارتۋ كوزدەلگەن. ولار ءۇش ءتۇرلى, اتاپ ايتقاندا, 42 كم, 10 كم, جانە 2 017 مەتر قاشىقتىقتا باقتارىن سىنايدى. جارىسقا شەتەلدەن 1 مىڭ جەلاياق قاتىسادى. قازاقستان تاراپىنان 4 مىڭ ادام قاتىسپاق» دەيدى قر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ.