«قازاق ەلى» مونۋمەنتى الدىنداعى الاڭدا «ۇلى دالا بىرلىگى» اتاۋىمەن استانانىڭ 20 جىلدىعىنا ارنالعان Open air, ياعني اشىق اسپان استىنداعى كونتسەرت ءوتتى. قازاقستاننىڭ جانە رەسەيدىڭ بەلگىلى انشىلەرى قاتىسقان شوۋ التى ساعاتقا سوزىلدى.
استانا قالاسى مادەنيەت جانە سپورت باسقارماسىنىڭ باسشىسى بولات ماجاعۇلوۆتىڭ ايتۋىنشا, ەلوردادا اشىق اسپان استىندا ۇلكەن كونتسەرت وتكىزۋ داستۇرگە اينالدى. بىلتىر وسىنداي شوۋ «ەكسپو-2017» كورمەسىنە ارنالسا, بيىلعى كونتسەرت ەلوردانىڭ مەرەيتويىنا ارنالدى. ونىڭ دەڭگەيى دە شەتەلدىك شوۋلاردان كەم تۇسپەدى. الاڭعا قاراقۇرىم حالىق جينالىپ, بۇل جولى كونتسەرتتى 80 مىڭعا جۋىق ادام تاماشالادى.
جالپى 30-عا تارتا ءانشى, اتاپ ايتقاندا, مارجان اراپباەۆا, قايرات نۇرتاس, رينات مالتساگوۆ, بەيبىت قۇشقاليەۆ, ءمولدىر اۋەلبەكوۆا, رايىم مەن ارتۋر, «رينگو», «مۋزارت Life», «91» توپتارى, ديما بيلان, ناتان, سەرگەي لازارەۆ, «گرادۋسى» توبى, اننا سەداكوۆا, لەنا تەمنيكوۆا, ماكس بارسكيح, اننا سەمەنوۆيچ, ت.ب. حالىقتىڭ كوڭىلىن كوتەردى.
