استانا قالاسى وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى باعا ءوسىمىنىڭ الدىن الۋ ءۇشىن كومىر ساتۋشىلارمەن مەموراندۋمدارعا قول قويدى.
استانا اكىمى باقىت سۇلتانوۆ قاتتى وتىن ساتاتىن نەگىزگى كاسىپورىنداردا بولىپ, كۇن سايىن تۇسەتىن كومىر تۋرالى ەسەپتى تىڭدادى. جۇرتشىلىق اراسىندا ايقاي-شۋعا جول بەرمەس ءۇشىن قالا باسشىسى ءتيىستى مەكەمەلەردىڭ جاۋاپتى ماماندارىنا بىرقاتار تاپسىرمالار جۇكتەدى.
بۇل تۇرعىدا قالا بيلىگى الىپ-ساتارلاردىڭ ادىمىن دا اڭدىپ, جاعدايدى باقىلاۋدا ۇستاپ وتىرعان كورىنەدى. الايدا وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ ءبولىم جەتەكشىسى ماقسات ەسماعۇلوۆتىڭ مالىمەتىنشە, استانا ماڭىنداعى تالاپكەر, قوسشى, قاراوتكەل, اقمول اۋىلدارى سياقتى كورشى وبلىستىڭ ەلدى مەكەندەرىنىڭ تۇرعىندارىنا كومىر ساتىپ الۋعا رۇقسات بەرىلىپتى.
وتكەن جىلدىڭ تامىز-قىركۇيەك ايلارىندا استاناعا 20,4 مىڭ توننا كومىر جەتكىزىلسە, بيىلعى وسى ۋاقىت ارالىعىندا 52,2 مىڭ توننا قاتتى وتىن اكەلىنگەن. بۇل وتكەن جىلمەن سالىستىرعاندا 2,5 ەسەگە ارتىق. ال كومىر ساتاتىن ورىندارداعى ۇزىن-سونار كەزەكتىڭ پايدا بولۋى ترەيدەرلەردىڭ قاتتى وتىندى ۋاقىتىلى جەتكىزبەۋىنەن دەسەدى. 20 قىركۇيەكتەگى جاعداي بويىنشا قالاعا 7 ۆاگون, ياعني 489 توننا كومىر اكەلىنگەن. ونىڭ 4 ۆاگونى – شۇباركول (280 توننا) كومىرى, 3 ۆاگونى – مايكوبە (209 توننا) كومىرى. شۇباركول كومىر باعاسى 13500-14500 تەڭگە بولسا, قاراجىرانىڭ تونناسى – 14000 تەڭگە. ال مايكوبە 12000-12500 تەڭگەدەن, بوگاتىر كومىرى 8500-9500 تەڭگەدەن ساتىلۋدا. وسى ايدىڭ سوڭىنا دەيىن تاعى 21 مىڭ توننا وتىن اكەلىنبەك.
جالپى, قاتتى وتىن تۋرالى قوسىمشا اقپاراتتى «iKomek-109» مونيتورينگ جانە جەدەل ارەكەت ەتۋ ورتالىعىنان دا بىلۋگە بولادى.
