«جانۇيا» وتباسى ينستيتۋتىن قولداۋ ورتالىعىندا «كاسىپكەر انا» جوباسى اياسىندا استانالىق انالاردى كاسىپكەرلىككە ۇيرەتكەن مەنتورلاردى ماراپاتتاۋ ءراسىمى ءوتتى.
اتالمىش شاراعا ەڭ بەلسەندى دەگەن 20 مەنتور شاقىرىلدى. جالپى جوباعا 68 انا قاتىسقان. ولار مانيكيۋر, پەديكيۋر, حەير, مەيكاپ, شۋگارينگ, ماسساجعا ۇيرەتەتىن بيۋتي يندۋستريا; اسپاز, كونديتەر, كۋليناريا, شوكولاتە باعىتىندا وقىتاتىن foodيندۋستريا; گرافيكالىق ديزاين, كوپيرايتينگ, سمم مەنەدجمەنتىن مەڭگەرتەتىن IT يندۋستريا باعىتىنداعى ماماندىقتاردى يگەردى.
«بۇگىندە اكىمدىك تاراپىنان الەۋمەتتىك باستامالارعا ەرەكشە ءمان بەرىلۋدە. ونىڭ ىشىندە ءوز ءىسىن اشىپ, كاسىپپەن اينالىسامىن دەگەن جاندارعا قولداۋ كورسەتىلۋدە. «جانۇيا» ورتالىعىندا جۇزەگە اسىرىلىپ جاتقان ءىرى جوبالاردىڭ ءبىرى «كاسىپكەر انا» جوباسى اياسىندا ءبىراز جۇمىستىڭ ىستەلگەنى كورىنىپ تۇر. ياعني جوبا ءوزىن اقتادى. بۇل تۋرالى مەملەكەت باسشىسى دا ۇنەمى ءوز سوزىندە ايتىپ جۇرەدى. ەلىمىزدە ورتا جانە شاعىن كاسىپكەرلىكتى دامىتۋعا ارنالعان باعدارلاما دا بار. ودان بولەك, گرانتتار بولىنۋدە. بۇگىنگى ماراپاتتاۋ شاراسى – سونىڭ ءبىر كورىنىسى, – دەدى قالا اكىمىنىڭ ورىنباسارى باقتيار ماكەن.
«كاسىپكەر انا» جوباسى جالعاساتىن بولادى. وعان كوپبالالى جانە جالعىزباستى انالار, مۇمكىندىگى شەكتەۋلى بالالار تاربيەلەپ وتىرعان انالار مەن تۇرمىسى تومەن ايەلدەر قاتىسا الادى.
