«قازاقستاندىق بىرەگەيلىك پەن قوعامدىق كەلىسىمدى نىعايتۋداعى انالار كەڭەستەرىنىڭ ءرولى» تاقىرىبىمەن قازاقستان حالقى اسسامبلەياسى رەسپۋبليكالىق انالار كەڭەسىنىڭ كەڭەيتىلگەن وتىرىسىن وتكىزدى.
جيىندا 25 جىل بۇرىن سەمەي يادرولىق پوليگونىنىڭ جابىلىپ, ەلباسىنىڭ əلەمدىك قاۋىپسىزدىكتى ساقتاۋداعى ءرولىن ايشىقتاۋعا ارنالعان جيىن بارىسىندا انالار كەڭەسى قىزمەتىنىڭ نەگىزگى باعىتتارى, ولاردىڭ وڭىرلەردەگى وزەكتى ماسەلەلەردى شەشۋدەگى ماڭىزى ايتىلدى.
وتىرىس سوڭىندا انالار كەڭەسىنىڭ «Əلەم. ءححى عاسىر» مانيفەسى مەن نۇرسۇلتان نازارباەۆتىڭ بەيبىتشىل باستامالارىن قولداۋ تۋرالى قازاقستان حالقىنا ۇندەۋى قابىلداندى.
سونداي-اق, قازاقستان حالقى اسسامبلەياسىنىڭ انالار كەڭەسى كەشە استاناداعى «وتان انا» الاڭىندا سەمەي يادرولىق پوليگونى جابىلۋىنىڭ 25 جىلدىعىنا ارنالعان «اق ورامال» رەسپۋبليكالىق شەرۋىن وتكىزدى. جينالعان جۇرت ماڭگىلىك الاۋعا يادرولىق سىناق كەزىندە قازا تاپقان جانە جاپا شەككەن بوزداقتاردى ەسكە الۋ ماقساتىندا گۇل شوقتارىن قويىپ, ءبىر مينۋتتىق ۇنسىزدىك جاريالادى.
بەيبىت باستامالاردى قولداۋ ماقساتىندا قازاقستاندىق ايەلدەر اق نيەتتىڭ سيمۆولى رەتىندە باستارىنا اق ورامال تارتىپ, بارشا الەمدى تاتۋلىققا شاقىرۋ ماقساتىندا «اق ورامال» اكتسياسى ارقىلى ءۇن قاتۋدى ءجون كورگەن. بۇل اكتسياعا كەشە قازاقستان بويىنشا اق ورامال تاققان جارتى ميلليون انا قاتىستى.
ءمادينا جاقىپ
