№34 «اق بيداي» بالاباقشاسىندا انالار كۇنى مەرەكەسىنە ارنالعان «مۋزىكالىق وتباسى» اتتى سايىس ءوتتى. ون ەكى توپتىڭ اتا-انالارى مەن بۇلدىرشىندەرى قاتىسقان بايقاۋدا اق جاۋلىقتى انالار تۋرالى ءان ايتىلىپ, جىردان شاشۋ شاشىلدى.
اشىلۋ سالتاناتىندا ءسوز العان بالاباقشا مەڭگەرۋشىسى نازكەن رىسباەۆا بۇگىنگى شارانىڭ ماقساتى ءتىلىمىزدى, ۇلتتىق سالت-ءداستۇرىمىزدى, مۋزىكامىز مەن ادەبيەتىمىزدى, ءبىر سوزبەن ايتقاندا, ۇلتتىق بايلىعىمىزدى كىشكەنتاي بۇلدىرشىندەرگە وسى جاستان باستاپ ءسىڭىرۋ ەكەنىن جەتكىزدى.
«وتباسى قۇندىلىقتارىن نىعايتۋ – قوعام تالابى. اتا-انالاردىڭ شىعارماشىلىق بەلسەندىلىگىن ارتتىرىپ قانا قويماي, مۋزىكاعا بەيىمى بالالاردى انىقتاپ, ولاردىڭ شىعارماشىلىق قابىلەتتەرىن دامىتۋعا مۇمكىندىك بەرگىمىز كەلدى» دەيدى نازكەن رىسباەۆا.
سايىس قورىتىندىسى بويىنشا «ەڭ اۋەندى وتباسى» نوميناتسياسىنا يە بولعان ءىزباساروۆ الىبەك جانە ونىڭ ءۇش جاسار ۇلى ابۋلحان اليحانعا «التىن» ميكروفون» سىيلىعى بەرىلدى.
اسسالاۋماعالەيكۇم قازاق ەلى!!! وسىنداي ءتالىمدى دە تاربيەلى باستامالاردى بولاشاق ۇرپاق ساناسىنا جاستايىنان سىڭىرۋگە ات سالىسىپ وتىرعان №34 – «اقبيداي» بالاباقشاسىنىڭ مەڭگەرۋشىسى رىسباەۆا نازكەن xانىم باستاعان ۇجىم باسشىلىعى مەن تاربيەشىلەرىنە ىستىق ىقىلاسىمدى بىلدىرەمىن! ەڭبەكتەرىڭىز ارقاشان جەمىستى دە جەڭىستى بولعاي!!!