ەلوردادا 28 267 وتباسى جاردەماقى الادى. بۇل تۋرالى قالالىق كوممۋنيكاتسيالار الاڭىندا وتكەن ءباسپاسوز ءماسليحاتى بارىسىندا ەڭبەك جانە الەۋمەتتىك قورعاۋ كوميتەتىنىڭ استانا قالاسى بويىنشا دەپارتامەنتى باسشىسىنىڭ ورىنباسارى دامەجان سادۋاقاسوۆا مالىمدەدى.
مەملەكەت باسشىسى وتكەن جىلعى جولداۋىندا بالا كۇتىمىنە بايلانىستى اي سايىنعى جاردەماقىنى ءبىر جارىم جاسقا دەيىن ۇزارتۋدى تاپسىرعان بولاتىن. 2023 جىلعى 1 قاڭتارعا دەيىن ءبىر جاسقا تولماعان بارلىق بالا ءۇشىن تولەم اۆتوماتتى تۇردە جارتى جىلعا ۇزارتىلعانىن, ال 1 قاڭتاردان كەيىن تۋعان بالاعا بىردەن 1,5 جىلعا تاعايىندالعانىن ايتا كەلە, دەپارتامەنت باسشىسىنىڭ ورىنباسارى جاڭا جىلدان باستاپ بۇل جاردەماقىنىڭ مولشەرى دە ۇلعايعانىن جەتكىزدى.
– 2023 جىلى ءبىرىنشى بالاعا تولەنەتىن الەۋمەتتىك جاردەماقى كولەمى 5,76 اەك – 19872 تەڭگەنى, ەكىنشى بالاعا 6,81 اەك – 23495 تەڭگەنى, ءۇشىنشى بالاعا 7,85 اەك – 27083 تەڭگەنى, ءتورتىنشى جانە ودان كوپ بالاعا 8,90 اەك – 30705 تەڭگەنى قۇرادى. 18 جاسقا دەيىنگى مۇگەدەك بالانى تاربيەلەپ وتىرعان اناعا نەمەسە اكەگە, بالا اسىراپ الۋشىعا, قامقورشىعا (قورعانشىعا) تولەنەتىن اي سايىنعى مەملەكەتتىك جاردەماقى 56794 تەڭگە مولشەرىندە, ياعني ەڭ تومەنگى كۇنكورىس دەڭگەيىنىڭ 1,4 مولشەرىندە. بۇل جاردەماقى قالا بويىنشا 8 مىڭنان استام وتباسىعا اي سايىن تولەنىپ وتىر, – دەدى د.سادۋاقاسوۆا.
2023 جىلى ءبىرىنشى بالاعا تولەنەتىن الەۋمەتتىك جاردەماقى كولەمى 5,76 اەك – 19872 تەڭگەنى, ەكىنشى بالاعا 6,81 اەك – 23495 تەڭگەنى, ءۇشىنشى بالاعا 7,85 اەك – 27083 تەڭگەنى, ءتورتىنشى جانە ودان كوپ بالاعا 8,90 اەك – 30705 تەڭگەنى قۇرادى. 18 جاسقا دەيىنگى مۇگەدەك بالانى تاربيەلەپ وتىرعان اناعا نەمەسە اكەگە, بالا اسىراپ الۋشىعا, قامقورشىعا (قورعانشىعا) تولەنەتىن اي سايىنعى مەملەكەتتىك جاردەماقى 56794 تەڭگە مولشەرىندە, ياعني ەڭ تومەنگى كۇنكورىس دەڭگەيىنىڭ 1,4 مولشەرىندە. بۇل جاردەماقى قالا بويىنشا 8 مىڭنان استام وتباسىعا اي سايىن تولەنىپ وتىر
«التىن القا», «كۇمىس القا» توسبەلگىلەرىمەن ماراپاتتالعان نەمەسە بۇرىن «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ماراپاتتالعان كوپبالالى انالارعا تابىسىنا قاراماستان تولەنەتىن اي سايىنعى مەملەكەتتىك جاردەماقى مولشەرى قازىرگى ۋاقىتتا 22080 تەڭگەنى قۇرايدى. قالا بويىنشا 6000 انا كوپبالالى انا رەتىندە جاردەماقى الادى.
– كامەلەتكە تولماعان نەمەسە 18-23 جاس ارالىعىندا كۇندىزگى بولىمدە وقيتىن ءتورت جانە ودان كوپ بالاسى بار كوپبالالى وتباسىلارعا جاردەماقى تاعايىندالادى. قازىرگى تاڭدا 28267 استانالىق وتباسى وسى جاردەماقىمەن قامتىلعان. جۇمىس ىستەيتىن ايەلدەرگە بالا كۇتىمىنە بايلانىستى بەرىلەتىن اي سايىنعى جاردەماقى مەملەكەتتىك الەۋمەتتىك ساقتاندىرۋ قورىنان الەۋمەتتىك تولەم رەتىندە تولەنەدى. بۇل تولەمنىڭ مولشەرى بالا تۋعانعا دەيىنگى 24 ايدىڭ ورتاشا تابىس مولشەرىنىڭ بولىگى رەتىندە ەسەپتەلەدى جانە بالا ءبىر جارىم جاسقا تولعانشا تولەنەدى, – دەدى د.سادۋاقاسوۆا.
