اپاتتىڭ الدىن الادى
![](https://astana-akshamy.kz/wp-content/uploads/2021/10/image-29-10-21-12-22-8-1.jpeg)
ەلوردادا «زىمىران-2021» وقۋ-جاتتىعۋى باستالدى. اۋقىمدى شاراعا جەرگىلىكتى اتقارۋشى ورگاندار, قالالىق توتەنشە جاعدايلاردىڭ الدىن الۋ جانە جويۋ كوميسسيالارى, توتەنشە جاعدايلار دەپارتامەنتىنىڭ ۆەدومستۆولىق باعىنىستى ۇيىمدارى مەن قالالىق بولىمشەلەرىنىڭ قىزمەتكەرلەرى قاتىسۋدا.
تاكتيكالىق وقۋ-جاتتىعۋ «بايقوڭىر» عارىش ايلاعىنان ۇشىرۋ بارىسىندا تاسىمالداعىش زىمىرانداردىڭ اپاتى سالدارىنان تۋىندايتىن توتەنشە جاعداي كەزىندە ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىنىڭ كۇشتەرى مەن قۇرالدارىنىڭ ءىس-قيمىلعا دايىندىعى تاقىرىبىنداعى مىندەتتەردى ورىنداۋعا دايىندىق دارەجەسىن ايقىنداۋعا باعىتتالعان.
«بۇگىندە توتەنشە جاعدايلار دەپارتامەنتى بارلىق وقۋ-جاتتىعۋلارعا دايىن. قۇتقارۋشىلار توتەنشە جاعدايلار كەزىندە بارلىق سانيتارلىق-ەپيدەميولوگيالىق جانە كارانتين نورمالارىن ساقتاي وتىرىپ, ەكى كۇن قاتارىنان ناقتى ۋاقىت رەجيمىندە ءىس-قيمىل الگوريتمدەرىن پىسىقتايتىن بولادى» دەدى نۇر-سۇلتان قالاسى تجد ازاماتتىق قورعانىس باسقارماسى باسشىسى راتبەك دەمەۋبەرگەن.
https://youtu.be/HN0zlActV-c