كەشە العىس كۇنىن اتاپ وتتىك. كوكتەمنىڭ جارشىسىنداي بولعان بۇل اتاۋلى كۇندە سارىارقا اۋدانىنىڭ اكىمدىگى ءبىر توپ قاريالاردىڭ باسىن قوسىپ, العىستارىن جاۋدىردى. سولاردىڭ ىشىندە سەكسەننىڭ سەڭگىرىنە شىققان اۋداننىڭ ارداگەر تۇرعىنى ۇزاقباي مامينگە ەرەكشە قۇرمەت كورسەتىلدى.
مەرەكەلىك جيىنعا اۋداننىڭ قۇرمەتتى قاريالارى, ارداگەرلەر ۇيىمىنىڭ مۇشەلەرى, اۋدان اكىمدىگىنىڭ قىزمەتكەرلەرى قاتىستى. سارىارقا اۋدانىنىڭ اكىمى ارمان تۇرلىبەك ءسوز باستاپ, قوعام قايراتكەرى ۇزاقباي ءماميننىڭ تالاي جىلعى ەڭبەك جولىنان قىسقاشا حابار بەرىپ, مەرەيتويىمەن قۇتتىقتادى. قارياعا قۇرمەت كورسەتىپ, ۇلكەن كولەمدەگى پورترەتىن سىيعا تارتتى.
– بۇگىن – كوكتەمنىڭ ءبىرىنشى كۇنى. وسى كۇن مەن ءۇشىن ەرەكشە باستالدى. سەكسەن جاسقا تولۋىمدى ەسكەرۋسىز قالدىرماعان سارىارقا اۋدانىنىڭ اكىمدىگىنە ريزاشىلىعىمدى بىلدىرەمىن.
بۇل جاسقا كەلگەنشە تالاي جەردە قىزمەت ەتىپ, قالانىڭ دامۋىنا ازدى-كوپتى ەڭبەگىمىز ءسىڭدى. ءوزىم ەڭبەككە ەرتە ارالاس-تىم. قۇرىلىسشى دا بولدىم. وسى قالادا 1963 جىلدان باستاپ ءومىر ءسۇرىپ كەلەمىن. استانادا شاڭىراق كوتەردىم, بالالى-شاعالى, ءۇبىرلى-ءشۇبىرلى بولدىم. قازىر اۋلەتىمە عانا ەمەس, وسى اۋدانعا دا قادىرىم بارىنا قۋانىشتىمىن, – دەپ ۇزاقباي اقساقال اعىنان جارىلدى.
باسقوسۋدا قۇرمەتتى قاريالار جەكە-جەكە ءسوز الىپ, ۇزاقباي ءماميننىڭ استانانىڭ قالىپتاسۋىنا سىڭىرگەن ەڭبەگى ءجونىندە بايانداپ, تۋعان كۇنىمەن قۇتتىقتادى.
ورىنبەك وتەمۇرات
