جەڭىس مەرەكەسى قارساڭىندا №6 ەمحانانىڭ ۇجىمى ۇلى وتان سوعىسىنا قاتىسقان قالاداعى ءبىر توپ ارداگەردىڭ ۇيىنە بارىپ, ولاردى مەرەكەلەرىمەن قۇتتىقتادى.
الدىمەن ل.ابراموۆتىڭ ۇيىنە باس سۇققان ءدارىگەرلەر توقسان ەكىدەگى قاريانىڭ حال-جاعدايىن سۇرادى. سودان سوڭ ارداگەردى ۇلى جەڭىس مەرەكەسىمەن شىن جۇرەكتەن قۇتتىقتاپ, گۇل شوقتارى مەن باسقا دا سىيلىقتارىن تاپسىردى. قالالىق №6 ەمحانانىڭ باس دارىگەرى لاريسا بۋحانوۆسكايا بولسا سوناۋ سۇراپىل جىلداردا بۇگىنگى بەيبىت تىرلىگىمىز ءۇشىن جاۋمەن جان اياماي بەتپە-بەت شايقاسقان جاۋىنگەردىڭ ەرلىگىنە باس يەتىنىن ايتىپ, ەمحانا ۇجىمىنىڭ اتىنان ىزگى تىلەگىن جەتكىزدى.
ۇلى وتان سوعىسىنىڭ ارداگەرلەرى ن.اسادچايا مەن ا.ودنورالوۆا سەكسەن تورتتە ەكەن. دەگەنمەن, ولار ءالى تىڭ, قيمىلدارى شيراق. وزدەرىنىڭ باستان كەشكەن اۋىر كۇندەرى, سول جىلداردىڭ قيىندىعى تۋرالى اڭگىمەلەي كەلە, اجەيلەر وسى جاسقا جەتىپ, بەيبىت كۇنگە كۋا بولىپ وتىرعاندارى اق حالاتتى ابزال جانداردىڭ ارقاسى ەكەنىن اتاپ ءوتتى.
گۇلبارشىن وكەشقىزى
