«Elorda aqparat» مەدياكومپانياسىنىڭ بەلدى قۇرىلىمى وتىز جىلدان بەرى ەلوردا اقپارات كەڭىستىگىندە وقىرماندارىمەن بىرگە كەلە جاتقان «ۆەچەرنيايا استانا» گازەتىنىڭ باس رەداكتورى لاريسا ۋۆاليەۆا ەلىمىزدىڭ تاۋەلسىزدىك كۇنىنە وراي مەملەكەت باسشىسى ق.توقاەۆتىڭ جارلىعىمەن قازاقستان رەسپۋبليكاسىنىڭ قۇرمەت گراموتاسىمەن ناگرادتالدى.
ارىپتەسىمىزگە بۇل ماراپات مەملەكەتتىك جانە قوعامدىق قىزمەتتە سىڭىرگەن ەڭبەگى, ەلدىڭ الەۋمەتتىك-ەكونوميكالىق جانە مادەني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن بەرىلدى.
ل.ۋۆاليەۆانىڭ كوپ جىلداردان بەرگى رەداكتورلىق قىزمەتىنىڭ جوعارى باعالانعانىنا قۋانىشىمىزدى بىلدىرەمىز. ارىپتەسىمىزدىڭ كاسىبي شەبەرلىگى مەن بىلىكتىگىنە اپتاسىنا ءۇش رەت شىعىپ, قالىڭ وقىرماندارىنىڭ كوزايىمىنا اينالعان گازەتتىڭ ءاربىر ءنومىرى دالەل بولا الادى.
«استانا اقشامى» گازەتىنىڭ ۇجىمى
