ەلورداداعى ە.راحماديەۆ اتىنداعى مەملەكەتتىك اكادەميالىق فيلارمونيانىڭ ۇجىمدارى مەن ورىنداۋشىلارى حالىقارالىق ايەلدەر كۇنىنە ارناپ «ارۋلار – اسىل جاندار» اتتى اۋقىمدى مەرەكەلىك سازدى باعدارلاما ۇسىندى. كوكتەمدى قاناتىنا قوندىرىپ, سانىمەن كەلگەن مەرەكە قارساڭىندا نازىك جاندىلارعا ارناپ جازىلعان ماحاببات اندەرى شىرقالدى.
ۇرمەلى اسپاپتار وركەسترى مەن «Alem» ەسترادالىق بي انسامبلى جەكە ورىنداۋشىلارمەن بىرلەسىپ, ا.بابادجانياننىڭ «Funiculi, Funicula», «ماما», «سۇلۋلىق پاتشايىمى», ە.حاسانعاليەۆتىڭ «اناعا سالەم», ح.كارمايكلدىڭ «Georgia on my mind» جانە باسقا دا تۋىندىلار كەشتىڭ كوركىن كىرگىزدى. مىس پەن اعاشتان جاسالعان ۇرمەلى اسپاپتار ەڭ يكەمدى مۋزىكالىق اسپاپتار رەتىندە ايشىقتالسا, ولاردىڭ ءانشى داۋىسىمەن ۇندەسىپ, عالامات كۇي كەشىرەتىن قۇدىرەت – ءوز الدىنا بولەك بايان.
سونىمەن قاتار الەمدىك ساحنالاردا ەلىمىزدىڭ اتىن اسقاقتاتىپ جۇرگەن ع.جۇبانوۆا اتىنداعى مەملەكەتتىك ىشەكتى كۆارتەتى بۇل كەشتە بۇكىل حالىققا بەلگىلى ءابدىمومىن جەلدىباەۆتىڭ ىشەكتى كۆارتەتكە ارناپ وڭدەلگەن «ەركە سىلقىم» كۇيىن ورىنداپ, كورەرمەندەردىڭ قوشەمەتىنە بولەندى.
بايان اسىلبەكوۆا
