ەلوردادا Ashyq جوباسى بەلسەندى تۇردە ەنگىزىلۋدە. بۇگىنگى تاڭدا وعان 10566 كاسىپكەرلىك نىسان قاتىسادى. بۇل تۋرالى ونلاين-بريفينگتە نۇر-سۇلتان قالاسى «اتامەكەن» كاسىپكەرلەر پالاتاسى ديرەكتورىنىڭ ورىنباسارى قۋانىشبەك مۇقاش مالىمدەدى.
قازىرگى ۋاقىتتا Ashyq جۇيەسى بويىنشا 140 فيتنەس-كلۋب, 117 سپا-ورتالىق, 21 باسسەين, 3 بوۋلينگ-كلۋب, 71 كومپيۋتەرلىك كلۋب, 56 ساۋنا, 1489 قوعامدىق تاماقتانۋ ۇيىمى, 13 كينوتەاتر, 11 تەاتر جانە كونتسەرتتىك ۇيىم, 10 بيليارد كلۋبى, 6 كورمە ورتالىعى, گالەرەيالار, 30 لوتوكلۋب, 3649 جوبانىڭ ەرىكتى قاتىسۋشىلارى, 105 قوناقۇي, 16 بالالار ويىن-ساۋىق ورتالىعى, 2363 ساۋدا ءۇيى, سوو, بازارلار مەن قويمالار, قىزمەت كورسەتۋ سالاسىندا 771 مەكەمە جۇمىس ىستەيدى. Ashyq كوشباسشىلارى تىزىمىنە 108 نىسان ەندى.
قۋانىشبەك مۇقاش ءوز سوزىندە Ashyq جوباسىنا قاتىسۋ تەگىن ەكەنىن ايتتى. ول جۇيەگە تىركەلۋ كەزىندە دەرەكتەردى تەكسەرۋگە شاقىردى.
«الەۋمەتتىك جەلىلەردە بەلگىلى ءبىر سوماعا راسىمدەۋ تۋرالى جارناما جانە اقپارات تاراتىلدى. بۇل ءوز كەزەگىندە جالعان تۇسىنىك قالىپتاستىرادى جانە كەيبىر كاسىپكەرلەر Ashyq جوباسىنا قاتىسۋ اقىلى دەپ ويلايدى. ال ءىس جۇزىندە ولاي ەمەس. تىركەۋدى InfoKazakhstan پلاتفورماسىندا جۇرگىزۋگە بولادى, بۇل تەگىن. الدىمەن «ماڭىزدى اقپارات» بولىمىمەن تانىسۋ كەرەك, ودان ءارى Ashyq, وندا بارلىق سۇراقتار مەن نۇسقاۋلار بار» دەدى قۋانىشبەك مۇقاش.
سپيكەر جاقىن ارادا QR-كودتى ءوشىرۋ بويىنشا فۋنكتسيونالدىڭ, ياعني كاسىپكەرگە ونىڭ QR-كودى بويىنشا جۇرگىزىلگەن فيكساتسيالار سانىن كورۋگە مۇمكىندىك بەرەتىن فۋنكتسيانىڭ پايدا بولاتىنىن حابارلادى. بۇل Ashyq كوشباسشىسى مارتەبەسىن بەكىتۋ جانە بەرۋ ءۇشىن جاسالادى.
جوباعا قاتىسۋشىلار بارلىق سانيتارلىق نورمالاردى ساقتاۋى ءتيىس. كارانتين شەكتەۋلەرىن بۇزعان جاعدايدا ولار تىزىمنەن شىعارىلادى.
