استاناعا ون كۇندىك ءىسساپارى كەزىندە فرانتسيالىق ماماندار قازاقستاندىق ارىپتەستەرىمەن كەزدەستى. ەكى تاراپ استانانىڭ ءتۇرلى سالالارىنىڭ دامۋ ماسەلەلەرىن, سونىمەن قاتار ورتاق جوسپارلاردى تالقىلادى.
قازىرگى تاڭدا ASTAINABLE جوباسىنا سايكەس تاياۋ بولاشاقتاعى «ەكسپو-2017» بۇكىلالەمدىك كورمەسى مەن 2030 جىلعا دەيىنگى ۇزاقمەرزىمدى استانانىڭ دامۋ جوسپارى ازىرلەنۋدە. بۇل ءىستى قازاقستان مەن فرانتسيانىڭ ماماندارى بىرلەسە اتقارۋدا. الدىمەن ولار استانانىڭ ەكولوگيالىق تازا كولىك, ەنەرگوجۇيەنى ۇيىمداستىرۋ, سۋمەن قامتاماسىز ەتۋ, قالدىقتاردى باسقارۋ, قورشاعان ورتانى قالپىنا كەلتىرۋدى قوسقاندا قۇرىلىس پەن قالالىق ەكوجۇيە سالاسىنداعى قاجەتتىلىكتەردى انىقتايدى. سوڭىنان فرانتسۋزدىق كومپانيالار ۇسىنعان تەحنيكالىق شەشىمدەرمەن بىرگە بارلىق ناتيجەلەردى قالا دامۋىنىڭ ۆيتۋالدى ءۇش ولشەمدى ينتەراكتيۆتى ۇلگىسى تۇرىندە ۇسىنادى.
ساعي ورال
