«استانا LRT» كومپانياسىنىڭ مەكەنجايى جاقىن ۋاقىتتا وزگەرەدى. ناتيجەسىندە, جاڭا ورىنداعى مەكەمەنىڭ قىزمەت اۋقىمى ارتىپ, جۇرتشىلىققا قولايلى بولماق.
«استانا LRT» جشس ورتالىق كاسساسىنىڭ قىزمەت كورسەتۋ تەرەزەلەرى كوبەيتىلەدى. ەندى 6 تەرەزەگە قوسىمشا 4 ورىن قوسىلماق. وسىلايشا ەلوردا تۇرعىندارى مەن قوناقتارىنىڭ يگىلىگى ءۇشىن 10 تەحنيكالىق قىزمەت كورسەتۋ تەرەزەسى جۇمىس ىستەيتىن بولادى.
ال 12 قاراشادان باستاپ ورتالىق كاسسا قوشقارباەۆ كوشەسى, 50/1 مەكەنجايىنا وزگەرتىلەدى. قالانىڭ بۇل اۋماعى كولىكتىك قامتۋ تۇرعىسىنان تيىمدىرەك بولماق. قوعامدىق كولىكتىڭ 8 باعدارى, ناقتىراق ايتقاندا, 6 قالالىق جانە 2 ەكسپرەسس-مارشرۋت قاتىنايدى.
جاڭا كەڭسەنىڭ اۋدانى بۇرىنعىسىنا قاراعاندا الدەقايدا ۇلكەن. تيىسىنشە, قىزمەت كورسەتۋ تەرەزەلەرىنىڭ سانى دا ارتىپ, ونىڭ ناتيجەسىندە ۇزىن-سونار كەزەك تە ازايادى.
ەستەرىڭىزگە سالا كەتەيىك,
«استانا LRT» جشس-ءتىڭ ورتالىق كاسساسىندا كولىك كارتاسىن ساتىپ الۋعا نەمەسە وعان اقشا تولتىرۋعا, سونداي-اق قاراجاتتى قولما-قول قايتارۋعا بولادى.
