استانا مەكتەپتەرىندە ساباقتىڭ توقتاتىلۋىنان كانيكۋل قىسقارتىلمايدى

ساباقتاردى توقتاتۋ قر ءبىلىم ءمينيسترىنىڭ «قولايسىز اۋا رايى مەتەوجاعدايلارىندا ورتا ءبىلىم بەرۋ ۇيىمدارىندا, سونداي-اق تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ساباقتاردى توقتاتۋ قاعيدالارىن بەكىتۋ تۋرالى» بۇيرىعىمەن رەگلامەنتتەلەدى. وعان سايكەس, ءاربىر مەكەمەدە ىشكى بۇيرىقتار شىعارىلادى, جانە وندا ساباقتار توقتاتىلعان كۇندەر, ول كۇندەرى ساباق وتكىزبەگەن مۇعالىمدەر كورسەتىلەدى.

وسى رەتتە ءاربىر مۇعالىم بالالار وتپەي قالعان تاقىرىپتاردى ينتەگراتسيالاۋ ەسەبىنەن كۇنتىزبەلىك-تاقىرىپتىق جوسپارلاۋعا  وزگەرتۋلەر ەنگىزەدى.

«ساباقتاردىڭ توقتاتىلۋىنا بايلانىستى وتپەي قالعان تاقىرىپتاردى مۇعالىم رەزەرۆ ساعاتتار نەمەسە قايتالاۋ مەن جالپىلاۋ ساباقتارى ەسەبىنەن وسى توقساننىڭ ىشىندە بالالارعا تۇسىندىرۋگە ءتيىس. بالالار كانيكۋل نەمەسە قوسىمشا ساعاتتار ەسەبىنەن وقىمايدى. بۇدان باسقا, ەگەر بالالار ساباق توقتاتىلعان كۇنى مەكتەپكە كەلسە, ولار كۇندەرىن سوندا وتكىزۋگە ءتيىس, بالالاردى ەشكىم ۇيلەرىنە قايتارمايدى. ءبىر نەمەسە ەكى وقۋشى كەلسە, مۇعالىم وعان ساباق وتكىزۋگە مىندەتتى, جانە ەگەر سول ساباقتا باعا قويىلسا, ول باعا تۇزەتۋ ەنگىزىلگەن كۇنى قويىلادى», – دەيدى بوتاگوز ءجۇنىسوۆا.

ءپان مۇعالىمى دە بالالاردىڭ ءوز بەتىمەن جاسايتىن جۇمىستارىنىڭ ءتۇرىن ءوزى تاڭداي الادى, بۇل تاپسىرمالار سىنىپ جەتەكشىلەرىنە بەرىلەدى, سوڭعىلارى وقۋشىلار مەن اتا-انالارعا حابارلايدى. وقۋشىلار تاپسىرمالاردى ۇيدە ورىنداپ, ساباقتار باستالعان ۋاقىتتا تەكسەرۋگە اكەلۋگە ءتيىس.

astana.gov.kz