كۇننىڭ كۇرت سالقىنداۋى ەلوردا تۇرعىندارىن اجەپتاۋىر ابىگەرگە تۇسىرگەنى راس. مۇنداي وقىس قۇبىلىستىڭ جاي-جاپسارىن «قازگيدرومەت» ورتالىعىنان سۇراپ-بىلگەن ەدىك.
سينوپتيكتەردىڭ ايتۋىنشا, ماۋسىم ايىندا سۋىق تسيكلوننىڭ ءۇش تولقىنى كۇتىلۋدە. ايدىڭ باسىندا جاۋىن-شاشىن مولشەرى كوبەيىپ, اۋا تەمپەراتۋراسى 2 گرادۋسقا دەيىن تومەندەۋى ىقتيمال. ودان كەيىن ورتا ازيادان كەلەتىن جىلى اۋا ماسسالارىنىڭ اسەرىنەن تەمپەراتۋرا 31 گرادۋسقا دەيىن ىسيدى. ال سۋىق تسيكلوننىڭ كەزەكتى ەكى تولقىنى ايدىڭ ورتاسىنا جانە سوڭىنا قاراي بولماق. قالعان كۇندەرى كوبىنە بىرقالىپتى جىلى كۇن رايى بولجانىپ وتىر.
