استانا تمد قالالارىنىڭ YI حالىقارالىق «تمد جانە ەۋرازەق ۇزدىك قالاسى» بايقاۋىندا ء«ومىر سۇرگىڭ كەلەتىن قالا-2013» اتالىمىندا ديپلوم الدى, دەپ حابارلايدى astana.kz
كونكۋرستىق كوميسسيا قولايلى ەكولوگيالىق ورتا قۇرۋ, قالا تۇرعىندارىنا جاعداي جاساۋ, اتاپ ايتقاندا, قالا نىساندارىن گۇلمەن راسىمدەۋ سىندى كريتەريلەرى بويىنشا ەلوردامىزدىڭ دامۋىنا جوعارى باعاسىن بەردى. سونىمەن قاتار, بۇل تىزىمگە – استانا قالاسىنىڭ جاسىل بەلدەۋىن قولداۋ, قالانىڭ كقلىك جۇيەسىن كەشەندى يننوۆاتسيالىق دامىتۋ, جەڭىل رەلستى كولىك, جوعارى جىلدامدىقتى اۆتوبۋس تاسىمالى جوبالارىن جۇزەگە اسىرۋ جانە ينتەللەكتۋالدىق كولىك جۇيەسىن ەنگىزۋ كىردى.
حالىقارالىق بايقاۋ 2008 جىلدان بەرى تمد اتقارۋشى كوميتەتىنىڭ, ەۋرازيالىق ەكونوميكالىق قوعامداستىقتىڭ (ەۋرازەق) ينتەگراتسيالىق كوميتەتىنىڭ, بۇكىلرەسەيلىك جەرگىلىكتى ءوزىن-ءوزى باسقارۋ كەڭەسىنىڭ ء(بجوب) قولداۋىمەن حالىقارالىق استانالار مەن ءىرى قالالار اسساملەياسىنىڭ (قحا) باستاماسىمەن وتكىزىلىپ كەلەدى.
