استانا قالالىق جيتس ورتالىعىنىڭ باس دارىگەرى كازان قالاسىندا وتكەن حالىقارالىق عىلىمي-پراكتيكالىق كونفەرەنتسياعا قاتىستى.
2016 جىلدىڭ 26-27 قىركۇيەگىندە يۋنەيدس ەلارالىق كەڭسەسىنىڭ شاقىرۋى بويىنشا استانا قالاسىنىڭ جيتس-تىڭ الدىن الۋ جانە وعان قارسى كۇرەس ورتالىعىنىڭ باس دارىگەرى س.ابدرايموۆ كازان قالاسىندا (رەسەي, تاتارستان) وتكەن «شىعىس ەۆروپا مەن ورتالىق ازياداعى كوشى-قون ماسەلەلەرى. قازىرگى زامانعى سىن-قاتەرلەر, تاجىريبە جانە يننوۆاتسيا» اتتى حالىقارالىق عىلىمي-پراكتيكالىق كونفەرەنتسياسىنا قاتىسىپ, «استانا قالاسىندا ميگرانتتار اراسىنداعى ايتۆ-جۇقپاسىنىڭ الدىن الۋدىڭ نەگىزگى ماسەلەلەرى» تاقىرىبىندا بايانداما جاسادى. كونفەرەنتسيا جۇمىسىنا 9 ەلدىڭ وكىلدەرى, ايتۆ/جيتس-تىڭ الدىن الۋ جانە كوشى-قون سالاسىندا جۇمىس اتقاراتىن جەتەكشى عالىمدار مەن عىلىمي-زەرتتەۋ ورتالىقتارى, مەملەكەتتىك قۇرىلىمدار جانە حالىقارالىق ۇيىمدارى قاتىستى.
قاتىسۋشىلار كوشى-قون ساياساتىنىڭ تۇجىرىمداماسىن, كوشى-قون سالاسىنداعى زاڭنامانى, قوعامدىق دەنساۋلىق ساقتاۋ, سانيتارلىق-ەپيدەميولوگيالىق جانە كوشى-قون سالاۋاتتىلىعىن قامتاماسىز ەتۋ, ميگرانتتاردى الەۋمەتتىك, مادەني بەيىمدەۋ جانە ىقپالداستىرۋ ماسەلەلەرىن تالقىلادى, سونداي-اق, قاۋىپسىز, رەتتەلگەن جانە زاڭدى كوشى-قوندى قامتاماسىز ەتۋ ماقساتىندا بەيىن ءبىلدىرىلدى. ءوز سوزىندە, استانا قالاسىنىڭ جيتس ورتالىعىنىڭ باسشىسى ايتۆ ينفەكتسياسىنىڭ تارالۋىنداعى كوشى-قون ءرولىن جانە ەپيدەميانى تەجەۋ ماقساتىندا اتقارىلاتىن شارالاردى اتاپ ءوتتى, كونفەرەنتسيا قاتىسۋشىلارىمەن ەڭبەكشى ميگرانتتار اراسىنداعى پروفيلاكتيكالىق جۇمىس بويىنشا تاجىريبەسىمەن ءبولىستى. جيتس ورتالىعىنىڭ ميگرانتتار اراسىندا ايتۆ-نىڭ الدىن الۋ بويىنشا اتقارىلاتىن جۇمىسى تاتارستان دەنساۋلىق ساقتاۋ مينيسترلىگى جانە رەسەيدىڭ فەدەرالدىق تۇتىنۋشىلاردىڭ قۇقىقتارىن قورعاۋ جانە ادام سالاماتتىلىعىن قاداعالاۋ قىزمەتى تاراپىنان وڭ باعا الدى.
