بۇگىن «استانا» كونتسەرت زالىندا قالا اكىمى اسەت يسەكەشەۆتىڭ داستۇرلى حالىققا ەسەپ بەرۋ كەزدەسۋى وتۋدە, – دەپ حابارلايدى استانا قالاسى اكىمدىگىنىڭ رەسمي سايتى.
بۇعان دەيىن 15-21 اقپان ارالىعىندا تۇرعىندار الدىندا العاش رەت قالا اكىمىنىڭ ورىنباسارلارى سەرگەي حوروشۋن, قوسمان ايتمۇحامەتوۆ, ەرمەك امانشاەۆ, ماليكا بەكتۇروۆا جانە اسقار ءامرين ەسەپ بەرگەن بولاتىن.
ەلوردا اكىمى ورىنباسارلارىنىڭ تۇرعىندارمەن كەزدەسۋى «اشىق جانە ەسەپ بەرەتىن مەملەكەت» جوباسى اياسىندا ءوتتى. كەزدەسۋگە قالا حالقى كوپتەپ قاتىسىپ, جوعارى بەلسەندىلىك تانىتتى.
بۇگىنگى استانا اكىمىنىڭ ەسەپتى كەزدەسۋى «سۇراق-جاۋاپ» تۇرىندە وتۋدە. اسەت يسەكەشەۆ وتكەن جىلى اتقارىلعان جۇمىستاردىڭ ناتيجەسىن شىعارىپ, ەلوردانى ودان ءارى دامىتۋ جوسپارىمەن بولىسۋدە. قالا تۇرعىندارىنىڭ سۇراقتارىنا جاۋاپ بەرەدى.
