«استانا Innovations» كومپانياسى جاقىن ارادا «اقىلدى» قالانى دامىتۋ تاجىريبەسىن كيەۆ قالاسىنىڭ اكىمشىلىگىمەن بولىسەدى.
«تسيفرلى قازاقستان» مەملەكەتتىك باعدارلاماسىنىڭ Facebook پاراقشاسىنداعى مالىمەتى بويىنشا ۋكراينالىق تاراپ «سەرگەك» ينتەللەكتۋالدى بەينەباقىلاۋ جۇيەسىنە قىزىعۋشىلىق تانىتىپ وتىر.
Kiev Smart City جوباسىنىڭ ۇيلەستىرۋشىسى يۋري نازاروۆ «بىزگە استاناداعى بەينەباقىلاۋ جۇيەسى قاتتى ۇنادى. بۇل بيىل ءبىزدىڭ نازارىمىزدا بولادى. ونى جۇزەگە اسىرۋدا استانانىڭ تاجىريبەسى وتە ماڭىزدى» دەپ پىكىر بىلدىرگەن.
ەلوردادا «سەرگەك» پايدا بولعالى جول-كولىك وقيعالارىنىڭ كەسىرىنەن بولاتىن ولىم-ءجىتىم كورسەتكىشى ەداۋىر قىسقارىپ, قالا اۋلالارىنداعى قىلمىس سانى دا ەكى ەسە ازايعان.
