استانا اكىمى اپتا سايىن وتەتىن جينالىستىڭ الدىندا قالانى ارالاپ شىقتى. جيىن بارىسىندا تۇرعىن ءۇي ساپاسىن قامتاماسىز ەتۋ مەن پروبلەمالى نىسانداردىڭ ماسەلەسىن شەشۋ جايى تالقىلاندى. بۇدان بولەك, «استانا – جايلى ءارى ءومىر سۇرۋگە قاۋىپسىز قالا» باعدارلاماسىنىڭ اياسىندا جوبانى ىسكە اسىرۋ ماسەلەسى دە قارالدى.
اكىمدىكتىڭ نەگىزگى جۇمىستارىنىڭ ءبىرى – اۋلالاردى دامىتۋ. وسى ورايدا اسەت يسەكەشەۆ استانادا 1400 اۋلا اۋماعى بارىن, سوڭعى ەكى جىلدا 300-دەن استام اۋلا اباتتاندىرىلعانىن ەسكە سالىپ ءوتتى. بيىل 300 اۋلا اباتتاندىرىلماق. جوسپار بويىنشا جىل باسىنان بەرى الماتى اۋدانىندا 105 اۋلا سالىندى. سارىارقا اۋدانىنا 100 اۋلا جوسپارلانىپتى. ال ونىڭ 20-سى سالىنىپ ءبىتتى. قالا اكىمى 2019 جىلعا دەيىن بارلىق اۋلا اۋماقتارىن اباتتاندىرۋدى اياقتاۋدى تاپسىردى. بۇدان بولەك, قالا باسشىسى تۇرعىن ۇيلەرگە قىزمەت كورسەتۋ ساپاسىن ارتتىرۋ اكىمدىكتىڭ باسىمدىق بەرەتىن جۇمىستارىنىڭ ءبىرى ەكەنىن ايتىپ ءوتتى.
