استانادا 2014 جىلى «قولجەتىمدى باسپانا – 2020» باعدارلاماسى اياسىندا 700-گە جۋىق پاتەر سالىنادى
«قولجەتىمدى باسپانا – 2020» باعدارلاماسىن جۇزەگە اسىرۋ اياسىندا جالپى اۋدانى 34,9 مىڭ شارشى مەتردى قۇرايتىن 670 پاتەرلىك ءۇش تۇرعىن ءۇي كەشەنى سالىنادى. بۇل تۋرالى astana.kz سايتى حابارلادى.
2014 جىلى ناۋرىزدا ساۋران جانە №24 كوشەلەردىڭ قيىلىسىندا جالپى اۋدانى 10,9 شارشى مەترلىك 242 پاتەرلىك تۇرعىن ءۇي كەشەنى پايدالانۋعا بەرىلەدى.
2014 جىلى ماۋسىمدا س.سەيفۋللين جانە بەيسەكوۆا كوشەلەرىنىڭ قيىلىسىنداعى جالپى اۋدانى 9,7 مىڭ شارشى مەتر كولەمدەگى 198 پاتەرلىك تۇرعىن ءۇي تاپسىرىلادى.
الداعى جىلدىڭ شىلدەسىندە جۇماباەۆ داڭعىلى مەن قورداي كوشەسىنىڭ اراسىنداعى ايناكول كوشەسىندە جالپى اۋدانى 14,3 مىڭ شارشى مەترلىك 230 پاتەرلىك تۇرعىن ءۇي كەشەنىنىڭ قۇرىلىسى اياقتالادى.
بيىل قاراشا ايىندا برۋسيلوۆسكي, يمانوۆ جانە جۇبانوۆ كوشەلەرىنىڭ قيىلىسىنداعى جالپى اۋدانى 11,9 مىڭ شارشى مەتر 272 پاتەرلىك تۇرعىن ءۇي كەشەنىن سالۋعا كونكۋرس جاريالاندى.
