استانادا 400-دەن اسا ازامات بوس جۇمىس ورىندارى جارمەڭكەسىنىڭ ارقاسىندا جۇمىس تاپتى
استانا تۇرعىنى گۇلجان تاتيەۆا قازىر «051» قىزمەتىندە ەسەپ ۇستەلىنىڭ بۋحگالتەرى بولىپ ەڭبەك ەتەدى. ول ەلورداعا وتباسىمەن بىرگە پاۆلوداردان كوشىپ كەلگەن.
«ومىرىمىزدەگى ءبىر جاعدايعا بايلانىستى ەلورداعا كوشۋگە تۋرا كەلدى. بۇل جەردە مەن بوس ورىندار جارمەڭكەسىندە بۋحگالتەردىڭ جۇمىسىن تاپتىم. مەنىڭ تاجىريبەمدى ەسكەرە وتىرىپ, بىردەن مەملەكەتتىك كاسىپورىننان جۇمىس ۇسىندى, اڭگىمەلەسۋدەن ءساتتى ءوتتىم, ىرىكتەۋگە كوپ ادام قاتىستى», – دەيدى گۇلجان.
بۋحگالتەردىڭ جالپى جۇمىس ءوتىلى – 20 جىلعا جۋىق. ونىڭ ايتۋىنشا, جاڭا ورىندا ونى جاقسى قابىلداعان, ۇجىم وتە تاتۋ.
«ماعان بۇل جۇمىس وتە ۇنايدى, قازىر ەسەپ ۇستەلىنىڭ بۋحگالتەرى بولىپ جۇمىس ىستەيمىن. ءبىزدىڭ «051» قىزمەتى استانا حالقىنا كەز-كەلگەن جاعداي بويىنشا كومەكتەسەدى. ءوز جۇمىسىما جاۋاپكەرشىلىكپەن قاراۋ ارقىلى حالىققا از دا بولسا, كومەگىم تيەتىنىنە قاتتى قۋانامىن», – دەيدى بۋحگالتەر.
ەلوردادا سونداي-اق, مۇمكىندىگى شەكتەۋلى جاندارعا ارنالعان بوس جۇمىس ورىندارى جارمەڭكەسى دە وتەدى. استانا تۇرعىنى بايان وسپانوۆانىڭ ءۇشىنشى دارەجەلى مۇگەدەكتىگى بار, ول – مەملەكەتتىك مۇراعات قىزمەتكەرى. ءار ۋاقىتتا ايەل مۇعالىم, ءتۇرلى مەملەكەتتىك قۇرىلىمداردا اۋدارماشى بولىپ جۇمىس ىستەگەن.
«2013 جىلى كوزىم ناشارلاي باستادى, سول سەبەپتى مەملەكەتتىك قىزمەتتەن كەتىپ, وپەراتسيادان كەيىن ءبىر جىل ۇيدە وتىردىم, سودان سوڭ بوس جۇمىس ورىندارى جارمەڭكەسىنىڭ ارقاسىندا جۇمىس تاپتىم. مۇنداي جۇمىس كومپيۋتەردىڭ الدىندا كوپ وتىرۋدى تالاپ ەتپەيدى. مۇمكىندىگى شەكتەۋلى ادامداردى جۇمىسپەن قامتىپ وتىرعانى ءۇشىن اكىمدىككە, ەلىمىزگە العىس ايتامىن», – دەيدى بايان وسپانوۆا.
جالپى, جىل باسىنان بەرى جۇمىسسىز ازاماتتارعا ارنالعان 11 بوس جۇمىس ورىندارى جارمەڭكەسى وتكىزىلدى.
astana.gov.kz
