استانادا باسپانا ارزاندايدى
ەلىمىزدەگى داعدارىسقا قاراماستان, ەلوردادا قۇرىلىس قارقىنى باسەڭدەمەدى. قاڭتار-شىلدە ايلارى ارالىعىندا جالپى كولەمى 1,3 ملن شارشى مەتر پايدالانۋعا بەرىلگەن.
بۇل كورسەتكىش ەلىمىز بويىنشا پايدالانۋعا بەرىلگەن ۇيلەردىڭ 23 %-ىن قۇرايدى. ونىڭ باستى سەبەبى, ەلورداعا قونىس اۋدارۋشىلاردىڭ سانى جىل سايىن ۇلعايىپ كەلەدى. ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ حابارلاۋىنشا, جىل باسىنان بەرى ەلىمىزدە 5,7 ملن شارشى مەتر قولدانىسقا بەرىلگەن.
ال تۇرعىن ءۇيدىڭ باعاسىنا كەلسەك, ازىرگە وزگەرىسسىز. ساراپشىلاردىڭ پايىمىنا سۇيەنسەك, ءتىپتى جىلدىڭ سوڭىنا قاراي ەلوردادا ۇيلەردىڭ باعاسى كۇرت ارزاندايدى.
رەسمي مالىمەت بويىنشا استانادا 2015 جىلدىڭ ماۋسىمى مەن 2016 جىلدىڭ ماۋسىمى ارالىعىندا ءۇيدىڭ شارشى مەترى 288 مىڭ تەڭگەدەن 344 مىڭعا دەيىن كوتەرىلگەن. دەگەنمەن ءتۇرلى اكتسيالار اياسىندا قۇرىلىس كومپانيالارى كوپتەگەن جەڭىلدىكتەر ۇيىمداستىرىپ, ساتىپ الۋشىلاردىڭ نازارىن اۋدارعان.