جاڭا قىزمەتتىڭ ءتۇرىن قۇرۋ تۋرالى ماسەلەنى استانا اكىمى باقىت سۇلتانوۆ ەلوردالىق جەدەل جاردەم ستانتسياسىنىڭ بازاسىن ارالاۋ بارىسىندا تالقىلادى.
جۇمىس توبىنا استانا اكىمدىگىنىڭ, «جەدەل جاردەم» مكك, پوليتسيا دەپارتامەنتى, توتەنشە جاعدايلار جونىندەگى دەپارتامەنتى جانە «قالالىق مونيتورينگ جانە جەدەل ارەكەت ەتۋ ورتالىعى» مكك (iKomek) وكىلدەرى كىردى. كوميسسيا وكىلدەرى 103 قىزمەتىنىڭ ديسپەتچەرلىك ءبولىمىنىڭ جۇمىسىمەن تانىسىپ, شۇعىل قىزمەتتىڭ نومىرلەرىن بىرىكتىرۋدە نەنى ەسەپكە الۋ قاجەتتىگى تۋرالى ماسەلەنى تالقىلادى. «112 بىرىڭعاي بايلانىس ورتالىعى جۇمىستىڭ تيىمدىلىگىن جوعارىلاتىپ, شاقىرتۋعا جەدەل ارەكەت ەتۋى ءتيىس, ياعني 911 شۇعىل قىزمەتىنىڭ ۇزدىك تاجىريبەسىن قولدانۋى ءتيىس» دەدى باقىت سۇلتانوۆ.
ەسكە سالا كەتەيىك, استانا بۇعان دەيىن اقش-تىڭ 109 قالالىق شۇعىل ەمەس سۇراقتار بويىنشا بىرىڭعاي ءنومىرىن قۇرۋداعى تاجىريبەسىن قولدانعان بولاتىن. بۇگىن 109 ءنومىرى كوممۋنالدىق قىزمەتتەر, قوعامدىق كولىك, بىرىڭعاي ەسەپتەۋ ورتالىعى جانە اكىمدىكتەگى باسقارمالاردىڭ بارلىق سۇراقتارىن بىرىكتىرەدى. 11 ايدىڭ ىشىندە iKomek ورتالىعىنا 870 مىڭ ءوتىنىش كەلىپ تۇسسە, ولاردىڭ 99%-ى قالالىق كوممۋنالدىق قىزمەتتەرمەن وڭدەلگەن.
