استانادا «دونوردىڭ 5 يگى ءىسى» اكتسياسى وتۋدە
استانا قالاسىنىڭ قان ورتالىعى 15 اقپان مەن 15 ماۋسىم ارالىعىندا «دونوردىڭ 5 يگى ءىسى» اكتسياسىن وتكىزۋدە, دەپ حابارلايدى astana-akshamy.kz.
وسى ارالىقتا قاتىسۋشىلار ورتالىققا بارىپ ترومبوتسيت تاپسىرىپ, سىيلىققا حۋدي ۇتىپ الا الادى. بۇل تۋرالى ورتالىقتىڭ ينستاگرام پاراقشاسىندا جاريالاندى. اكتسياعا قاتىسۋ ءۇشىن وقىرماندار 5 يگى ءىس جاساۋى قاجەت:
مىندەتتى شارتى:
2024 جىلعى 15 اقپاننان 15 ماۋسىمعا دەيىنگى ارالىقتا ەلورداداعى ترانسفۋزيولوگيا عىلىمي-وندىرىستىك ورتالىعىنا كەلىپ, ترومبوتسيتتەردى كەمىندە 5 رەت تاپسىرۋ;
بۇل اكتسيا تۋرالى مۇمكىندىگىنشە كوپ ادام ءبىلۋى ءۇشىن الەۋمەتتىك جەلىدە كەلەسى ءىس ارەكەتتەردى ءوز ەركىڭىز بويىنشا جاساۋ كەرەك:
-دوناتسيا كەزىندە سۋرەتكە ءتۇسۋ;
-ترومبوتسيت تاپسىرۋعا دوسىڭىزدى شاقىرىڭىز;
-پوست جازۋ;
-storis-تە رەپوست جاساپ جانە ورتالىقتىڭ پاراقشاسىن بەلگىلەۋ.
فوتو: https://spct.kz