استانادا «Drone Racing Kazakhstan» اتتى دروندار جارىسى بويىنشا العاشقى رەسپۋبليكالىق چەمپيونات وتەدى
قازاقستان رەسپۋبليكاسى تاۋەلسىزدىگىنىڭ 25 جىلدىعىن مەرەكەلەۋ اياسىندا 2016 جىلعى 16 جەلتوقساندا «Drone Racing Kazakhstan» اتتى دروندار جارىسىنان العاشقى رەسپۋبليكالىق چەمپيونات وتەدى, ول استانالىق «بارىس ارەنا» مۇز ايدىنىندا وتكىزىلەدى. بۇل جارىستاردىڭ نەگىزگى ماقساتى – روبوت تەحنيكاسى مەن پيلوتسىز ۇشۋ اپپاراتتارىن (بۇدان ءارى – پۇا) دارىپتەۋ, بالالار مەن جاسوسپىرىمدەردىڭ عىلىمي-زەرتتەۋ جۇمىستارىن قولداۋ.
ەڭ ۇزدىك پيلوت اتاعى جانە باستى جۇلدە – 1 ميلليون تەڭگە ءۇشىن –- رەسپۋبليكانىڭ بارلىق وڭىرىنەن كەلگەن جارىسۋشىلار ءوزارا جارىسقا تۇسەدى. «دروندار جارىسىن» ونىڭ كورىنىسى بويىنشا اڭىزعا اينالعان «فورمۋلا-1-مەن» سالىستىرۋعا بولادى, تەك دروندار ءۇش ولشەمدى شاماداعى جارىس تراسساسىنان وتەدى, مۇندا قاتىسۋشىلارعا تراسسا ۋچاسكەلەرىن جىلدامدىقپەن ءوتۋ قاجەت. ءبىزدىڭ ەلىمىزدە مۇنداي دەڭگەيدەگى جارىس العاشقى رەت وتكىزىلىپ وتىر جانە ونىڭ وسى ءتارىزدى تەحنيكانى جاساۋشىلاردىڭ قىزىعۋشىلىعىن تۋدىراتىنى داۋسىز.
چەمپيونات بارىسىندا «DroneExpoKazakhstan2016» اتتى پيلوتسىز ۇشۋ اپپاراتتارى مەن روبوت تەحنيكاسىنىڭ كورمەسى دە وتكىزىلەدى. كەلۋشىلەر درونداردىڭ ءتۇرلى مودەلدەرىمەن تانىسىپ, اۆيامودەليستتەر مەن روبوت بۇيىمدارىنىڭ كورمەسىن قاراپ شىعا الادى, سونداي-اق پۇا ءتۇرلى مودەلدەرىنىڭ قۇرىلعىلارى مەن ەرەكشەلىكتەرى تۋرالى ءبىلىپ, شەبەرلىك سىنىپتارىنا قاتىسا الادى, جاس روبوت تەحنيكتەرى كلۋبىنىڭ جاساعان دۇنيەلەرىن كورە الادى. چەمپيونات «روبوتتار شايقاسى» ويىن-ساۋىق شوۋىن جانە قازاقستان ەستراداسى جۇلدىزدارىنىڭ ونەرىن تاماشالاۋمەن اياقتالادى.
درون-رەيسينگ بىرتىندەپ دامىپ, ەندى الەم چەمپيوناتى دەڭگەيىنە شىقتى, سوندىقتان «Drone Racing Kazakhstan» جارىسىنداعى جەڭىس – الداعى ۋاقىتتا ءبىزدىڭ ەلىمىزدىڭ اتىنان حالىقارالىق جارىستارعا تۇسەتىن العاشقى ۇلتتىق جارىسشىلار قۇراماسىنا كىرۋ مۇمكىندىگى بولىپ تابىلادى.
وتكىزىلەتىن ۋاقىتى: 16 جەلتوقسان ساعات 12:00-دەن 18:00-گە دەيىن
سالتاناتتى اشىلۋ ءراسىمى: 16 جەلتوقسان ساعات 16:00
وتكىزىلەتىن ورنى: «بارىس ارەنا» مۇز ايدىنى
ءىس-شارانى ۇيىمداستىرۋشى: «قازاقستان ينجينيرينگ» ۇك» اق
قوسىمشا اقپارات الۋ ءۇشىن مىنا تەلەفوندارعا جۇگىنۋگە بولادى:
+7 7172 69 55 99 (1949)
+7 701 222 76 95
ءبىزدى مىنا سىلتەمەلەردەن قاداعالاپ وتىرىڭىز:
www.ke.kz,
facebook.com, Kazakhstan Engineering;
instagram.com, @Drone_expo_kz
