40-قا جۋىق ەلوردالىق جۇمىس بەرۋشى مۇمكىندىگى شەكتەۋلى ادامداردى جۇمىسقا قابىلداۋعا دايىن ەكەنىن بىلدىرگەن.
استانا قالاسىنىڭ جۇمىسپەن قامتۋ ورتالىعى ماماندارىنىڭ حابارلاۋىنشا, بۇگىنگى كۇنى مۇگەدەكتىگى بار 549 ادام جۇمىسسىزدىقتان الەۋمەتتىك قورعاۋ شارالارىمەن قامتىلعان. ونىڭ ىشىندە 327 ادام – قوعامدىق جۇمىستارعا, 194-ءى تۇراقتى جۇمىسقا ورنالاستىرىلسا, 16 ادام الەۋمەتتىك جۇمىس ورىندارىنا الىندى. بۇل رەتتە باستاپقى جۇمىس تاجىريبەسىنە يە بولۋ ماقساتىندا 6 ادام جاستار تاجىريبەسىنەن ءوتتى.
ەلوردالىق جۇمىسپەن قامتۋ ورتالىعىنىڭ مالىمەتتەر بازاسىندا مۇگەدەكتەرگە ارنالعان 100-گە جۋىق بوس ورىن بار, وندا جۇمىس ماماندىقتارىنان باسقا, لوگيست, ماركەتولوگ, نەسيەلىك مەنەدجەر, باعدارلاماشى, كومپيۋتەرلىك تىگۋ مامانى, لابورانت, ديزاينەر, مەحانيك-باقىلاۋشى, اعىلشىن ءتىلىن بىلەتىن وقىتۋشىنىڭ كومەكشىسى, ءتۇرلى رازريادتاعى تىگىنشىلەر, جانە ارتيستەردىڭ بوس ورىندارى بار.
astana.gov.kz
