استانادا وڭتۇستىك قازاقستان وبلىسىنىڭ اۋىل شارۋاشىلىق جارمەڭكەسى ءوتىپ جاتىر

استانادا وڭىرلەردىڭ تاۋار وندىرۋشىلەرىنىڭ قاتىسۋىمەن وتەتىن ءداستۇرلى اۋىل شارۋاشىلىق جارمەڭكەلەرىن وڭتۇستىك قازاقستان وبلىسى باستادى. بۇگىن استانا اكىمى اسەت يسەكەشەۆ پەن وڭتۇستىك قازاقستان وبلىسىنىڭ اكىمى بەيبىت اتامقۇلوۆ جاڭا وقۋشىلار سارايىنىڭ الدىندا اشىلعان شاراعا ات باسىن تىرەدى.

جارمەڭكەدە 50-دەن استام اۋىل شارۋاشىلىق تاۋار ءوندىرۋشىنىڭ ءونىمى ۇسىنىلادى. وڭتۇستىك وڭىردەن ەلورداعا 354 توننا ءونىم اكەلىندى, سونىڭ ىشىندە, 69 توننا ەت ءونىمى, 141 توننا كوكونىس, 33 توننا جەمىس, 17 توننا كارتوپ, 7 توننا ءسۇت ءونىمى, 5 توننا شۇبات, 7 توننا بالىق, 25 مىڭ جۇمىرتقا جانە ت.ب.

سونىمەن قاتار, الەۋمەتتىك ماڭىزدى ونىمدەردىڭ تولىق اسسورتيمەنتى ۇسىنىلادى. بارلىق ءونىم بازارداعى باعادان 15-20% ارزان ساتىلادى. جارمەڭكە 2 جانە 3 شىلدەدە وقۋشىلار سارايىنىڭ تۇراق اۋماعىندا (ب. مومىشۇلى داڭع., 5) وتەدى.