استانادا بيىل 2,36 ملن شارشى مەتر باسپانا پايدالانۋعا بەرىلدى. بۇل تۋرالى بۇگىن حالىققا ەسەپ بەرۋ كەزدەسۋىندە ەلوردا اكىمى اسەت يسەكەشەۆ باياندادى, دەپ حابارلايدى قازاقپارات.
«استانادا ءۇي سالۋشىلار باسەكەلەستىكتى ساقتاپ قالۋدىڭ ورنىنا, جىلدان-جىلعا باعانى ءتۇسىرىپ جاتىر. ءبىز ينفراقۇرىلىمدى جۇرگىزۋ ارقىلى قولداۋ كورسەتىپ, وزىندىك قۇنىن سۋبسيديالاپ وتىرمىز. سوڭعى ءۇش جىلدا جاڭا باسپانانىڭ استانالىق نارىعىنداعى ورتاشا باعاسى 355 مىڭ تەڭگەدەن 325 مىڭ تەڭگەگە, ياعني 10 پايىزعا ارزانداعان. دوللارعا شاققاندا ءتىپتى ەكى ەسەگە تۇسكەن. شارشى مەترى 260-280 مىڭ تەڭگە بولاتىن ۇسىنىستار دا بار», – دەدى قالا اكىمى.
سونداي-اق, «جاڭا باسپانانىڭ ارزانداۋىنا قولجەتىمدى نەسيەلىك پەن ارەندالىق تۇرعىن ءۇي قۇرىلىسى دا ىقپال ەتكەن. قازىرگى ۋاقىتتا مەملەكەتتىك پاتەردىڭ ءبىر شارشى مەترى 180 مىڭ تەڭگەدەن اسپايدى» دەدى ول.
