ۇكىمەت رەسپۋبليكالىق بيۋدجەتتەن استانا – ءۇشارال اۆيامارشرۋتىن سۋبسيديالاۋعا قارجى ءبولدى. بۇل الاكولدەگى ءتۋريزمدى دامىتۋ, جول قاتىناسىن جاقسارتۋ ماقساتىندا جاسالىپ وتىر.
الاكول – قازاقستانداعى ەڭ عاجايىپ كولدەردىڭ ءبىرى, كولەمى جاعىنان بالقاشتان كەيىنگى ءارى ەمدىك قاسيەتى وتە مول, قۇرامى جاعىنان قارا جانە ءولى تەڭىزدەرگە ۇقسايتىن اعىنسىز تۇزدى كول. الاكولگە جاقىن ورنالاسقان الماتى وبلىسىنداعى
ءۇشارال قالاسىنا ەندى استانادان ۇشاق ۇشادى. بۇل تۋرالى «فەيسبۋكتە» قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ رەسمي وكىلى مۇرات جۇمانباي حابارلادى. رەيستەردى ءۇشارال اۋەجايى قابىلدايتىن بولادى, ونىڭ قۇرىلىسى جاقىندا اياقتالعان. ول جولاۋشىلاردى تىركەۋ مەن تەكسەرۋ ءۇشىن قاجەتتى قۇرىلعىلارمەن جابدىقتالعان. بۇدان بولەك, الماتى وبلىسىنىڭ اكىمدىگى ۇشۋ-قونۋ جولاعىنداعى جوندەۋ-قۇرىلىس, جەرمەن ءجۇرۋ جولدارىن, پەرروندى جابدىقتاۋ جۇمىستارىن اياقتادى.
