اقتوبە
شالقاردا مينەرالدى سۋ زاۋىتى اشىلدى. ەندى ەمدىك قاسيەتى بار شيپالى سۋ وبلىس اۋماعىنا عانا ەمەس, باسقا وڭىرلەر مەن كورشى ەلدەرگە ەكسپورتتالماق.
باتىس قازاقستان
وبلىسى
ورالدا «Uralsk Green Forum» اتتى II حالىقارالىق ەكولوگيالىق فورۋمى ءوتتى. شارانى «كاراچاگاناك پەتروليۋم وپەرەيتينگ ب.ۆ.» كومپانياسى ۇيىمداستىردى. فورۋمعا 150-دەن استام دەلەگات قاتىستى.
قوستاناي
بۇگىنگە دەيىن وبلىس بويىنشا ەگىس ناۋقانىنىڭ مەجەلەنگەن جوسپارى 47 پايىزعا ورىندالدى. ءوڭىر ديقاندارى دالا جۇمىستارىن 3 ماۋسىمعا دەيىن اياقتاۋعا نيەتتى.
سولتۇستىك قازاقستان
وبلىسى
وبلىس اكىمى قۇمار اقساقالوۆ 71-ءشى كانن كينوفەستيۆالىندە «ۇزدىك ايەل ءرولى» سىيلىعىن جەڭىپ العان سامال ەسلياموۆانى قابىلداپ, ءۇش بولمەلى پاتەردىڭ كىلتىن تاپسىردى.
وڭتۇستىك قازاقستان وبلىسى
ايماق ورتالىعى شىمكەنت قالاسىندا وتكەن قازاقستان-وزبەكستان بيزنەس فورۋمىندا 62 ملن اقش دوللارىنان استام سوماداعى 8 قۇجاتقا قول قويىلدى.
قىزىلوردا وبلىسى
سىر ءوڭىرى ەلىمىزدەگى كەنە شاعۋ قاۋپى جوعارى ايماق دەپ تانىلدى. بۇگىندە وبلىس كولەمىندە سوڭعى ءۇش جىلدا كونگو-قىرىم گەمورراگيالىق قىزباسىنا قولايسىز ەلدىمەكەندەر سانى 100-127-گە جەتكەن.
جامبىل وبلىسى
بيىل تارازدا قونىس توي كوپ بولماق. وسى جىلدىڭ ەكىنشى توقسانىندا «نۇرلى جەر» تۇرعىن ءۇي باعدارلاماسىنىڭ شارتىنا سايكەس 205 قاتىسۋشى جاڭا باسپاناعا قول جەتكىزەدى.
ماڭعىستاۋ وبلىسى
اقتاۋدا بالا ۇرلاپ, 1ملن تەڭگە تالاپ ەتكەن كۇدىكتى قولعا ءتۇستى. وبلىستىق ىشكى ىستەر دەپارتامەنتى ءباسپاسوز قىزمەتى اقتاۋلىق تۇرعىن بالاسىنىڭ ۇرلانعانىن جانە ونى قايتارۋ ءۇشىن الدەكىمنىڭ 1ملن تەڭگە تالاپ ەتكەنىن ايتىپ ارىزدانعانىن ءمالىم ەتتى.
شىعىس قازاقستان
وبلىسى
وسكەمەندە بەلگىلى اقىن تىنىشتىقبەك ابدىكاكىمۇلىنىڭ «ءبىرتۇرلى اقىن» اتتى شىعارماشىلىق كەشى ءوتتى.
