استانا
استانادا «قۇرالاي» ءىى حالىقارالىق قۋىرشاقتار تەاترىنىڭ فەستيۆالىنە قاتىسۋشىلاردىڭ سالتاناتتى شەرۋى باستالدى. ەلوردا ساحنالارىندا تۋنيس, بوسنيا, گەرتسەگوۆينا, بەلگيا, يتاليا, پولشا, رەسەي, تۇركيا, ەستونيا, سەربيا جانە قازاقستاننىڭ قۋىرشاقتار تەاترىنىڭ ۇجىمدارى ونەر كورسەتۋدە.
اتىراۋ وبلىسى
استانا كۇنى قارساڭىندا يندەر اۋدانى ەسبول اۋىلدىق وكرۋگىندە جاس ماماندار مەن بيۋدجەتتىك سالا قىزمەتكەرلەرىنە 2 پاتەرلى 10 تۇرعىن ءۇيدىڭ كىلتى بەرىلدى. سالتاناتتى شاراعا اۋدان اكىمى سەرىك ارىستان قاتىسىپ, جاڭا ءۇي يەلەرىنە قۇتتىقتاۋىن جەتكىزدى.
شىعىس قازاقستان وبلىسى
«باقىرشىق» تاۋ-كەن ءوندىرىسى كاسىپورنى رەسمي تۇردە اشىلدى. 2014 جىلى «پوليمەتالل» كومپانياسى قىسقا مەرزىمدە جارما اۋدانىندا جاڭا تەحنولوگيالارمەن جابدىقتالعان التىن ءوندىرۋ كەشەنىنىڭ نەگىزىن قالادى. اشىلۋ سالتاناتىنا «پوليمەتالل» اكتسيونەرلىك قوعامىنىڭ باس ديرەكتورى ۆيتالي نەسيس جانە جارما اۋدانىنىڭ اكىمى نۇرلان سىدىقوۆ قاتىستى.
قوستاناي وبلىسى
جانگەلدين اۋدانىنىڭ تۇرعىندارى احمەت بايتۇرسىنۇلى دۇنيەگە كەلگەن ءۇيدى قالپىنا كەلتىردى. ۇلت ۇستازىنىڭ ۇيىندەگى اۋقىمدى جوندەۋ جۇمىستارى ءالى دە جالعاساتىن بولادى.
الماتى
الماتىدا ەلوردانىڭ 20 جىلدىق مەرەيتويىنا ارنالعان ءداستۇرلى مۋزىكا كەشى ءوتتى. كونتسەرتتى تاماشالاۋعا جينالعان كورەرمەن ءداستۇرلى ونەر شەبەرلەرى مەن «سازگەن سازى» ەتنوگرافيالىق-فولكلورلىق ءانسامبلىنىڭ ورىنداۋىنداعى كونەدەن جەتكەن جاۋھار جىردى, اسەم ءان مەن ءتاتتى كۇيدى تىڭداپ, قۇلاق قۇرىشىن قاندىردى.
اقمولا وبلىسى
تسەلينوگراد اۋدانى قوسشى اۋىلىندا وتباسىلىق-دەنساۋلىق ورتالىعى اشىلدى. جاڭا زاماناۋي جابدىقپەن قامتىلعان دەنساۋلىق ورتالىعى ءبىر اۋىسىمدا 150 ادامدى قابىلدايدى.
باتىس قازاقستان وبلىسى
زەلەنوۆ اۋدانى داريان اۋىلىنداعى 300 ورىندىق مەكتەپ قۇرىلىسى اياقتالدى. ءبىلىم ۇياسىنىڭ جانىندا جوعارى سىنىپ وقۋشىلارىنا ارنالعان 100 ورىندىق ينتەرنات بار.
