قر ۇلتتىق مۋزەيىندە «ەكسپو-2017» حالىقارالىق مامانداندىرىلعان كورمەسى اياسىندا «دوستىق جولىمەن» اتتى كورمە اشىلدى. استانا اكىمدىگىنىڭ قولداۋىمەن قالالىق قازاقستان حالقى اسسامبلەياسى ۇيىمداستىرعان كورمەگە ارىپتەسىمىز, «ۆەچەرنيايا استانا» گازەتىنىڭ ءفوتوتىلشىسى ۆاسيلي كراس پەن بەلگىلى فوتوسۋرەتشى, مارقۇم ۆلاديمير كۋريلوۆتىڭ سۋرەتتەرى قويىلدى.
بوزبالا كەزىنەن فوتوونەرگە اۋەستىگى ويانعان ۆاسيلي كراستىڭ وسى سالادا جۇرگەنىنە 40 جىلعا جۋىقتاپ قالدى. ال ناقتى استانالىق گازەتتىڭ ءفوتوتىلشىسى قىزمەتىن 2004 جىلدان اتقارىپ كەلەدى. وسى ۋاقىت ارالىعىندا ونىڭ فوتواپپاراتىنىڭ وبەكتيۆىنە ىلىنبەگەن باس قالاداعى نىساندار كەمدە-كەم. سوندىقتان استانانىڭ ەسىل جاعاسىنا قونعان ۋاقىتتان باستاپ وسى كۇندەرگە دەيىنگى قالىپتاسۋ كەزەڭدەرى فوتوسۋرەتشىنىڭ نازارىنان تىس قالعان ەمەس. ونىڭ جۇمىستارى سونىسىمەن قۇندى.
ال ۆلاديمير كۋريلوۆتىڭ فوتوسۋرەتتەرى ەلوردانىڭ ەڭسەلى عيماراتتارىنان توسىننان تۇسىرىلگەنىمەن ەرەكشەلەنەدى. ونىڭ پانورامالىق باعىتتاعى جۇمىستارىندا تاڭعالدىراتىن كورىنىستەر بارشىلىق. سونىڭ قاتارىندا كۇندىزگى جانە تۇنگى استانانىڭ تىرشىلىگى قىزىقتىرماي قويمايدى.
امانعالي قالجانوۆ
