جولاۋشىلار تاسىمالىنىڭ ارتۋىنا بايلانىستى استانا حالىقارالىق اۋەجايىندا بورتتىق تاماقتانۋ كەشەنى ىسكە قوسىلدى.
وسى سالانىڭ تەحنولوگيالىق ۇدەرىستەرىن جاقسارتىپ, تاعامنىڭ تۇرلەرىن كوبەيتۋ ماقساتىندا اشىلعان جاڭا كەشەن اۋەجايدى قايتا جاڭعىرتۋداعى باستى جوبالارىنىڭ ءبىرى. بورتتىق تاماقتانۋ كەشەنىنىڭ عيماراتى اۆياتسيالىق تاماقتانۋعا قاتىستى حالىقارالىق تالاپتارعا ساي كەلەدى. اۋە كەمەلەرىنىڭ كەز كەلگەن تۇرىنە بورتتىق تاماقتانۋدى جەتكىزەتىن التى اۆتوليفت ىسكە قوسىلعان. بۇل – ەلىمىزدەگى ايرىقشا زامانۋي كەيتەرينگ-كاسىپورىن. زاماناۋي جانە جوعارى تەحنولوگيالىق جابدىقتارمەن قامتاماسىز ەتىلگەن كەشەندە جارتى جىلعا دەيىن ازىق-تۇلىك دايارلايتىن تاعام ونىمدەرىن ساقتايتىن ارناۋلى توڭازىتقىش كامەرالار قويىلعان.
«استانا حالىقارالىق اۋەجايى» كورسەتىلەتىن قىزمەتتەردىڭ ساپالى ءارى جوعارى دەڭگەيدە بولۋ ءۇشىن بارلىق جاعدايدى جاسايدى» دەيدى ەلوردا اۋە قاقپاسىنىڭ قىزمەتكەرلەرى جاڭا عيماراتتىڭ اشىلۋ سالتاناتىندا.
ايگۇل ۋايسوۆا
