كەشەدەن بەرى كۇشەيىپ كەتكەن قاتتى ايازدىڭ سالدارى استانالىقتاردى ەداۋىر اۋرەگە سالىپ وتىر. استانا قالاسى قوعامدىق دەنساۋلىق ساقتاۋ باسقارماسى تەمپەراتۋرانىڭ تومەندەۋىنە بايلانىستى مەديتسينالىق كومەككە جۇگىنگەن ادامدار تۋرالى اقپارات ۇسىندى. وندا ۇسىك شالۋ سالدارىنان ءبىر تاۋلىك ىشىندە مەديتسينالىق كومەككە 14 ادام جۇگىنگەن.
ونىڭ 12-ءسى مەديتسينالىق ۇيىمدارعا جەدەل-جاردەم بريگاداسىمەن جەتكىزىلىپ, قالعان ەكەۋى وزىدىگىنەن كەلگەن. كومەككە جۇگىنگەن اراسىندا 10 ەرەسەك, 4 بالا بار. 2017 جىلعى ءبىر ءسابي №2 قالالىق بالالار اۋرۋحاناعا جاتقىزىلدى, قازىر جاعدايى بىرقالىپتى. قالعاندارى وزدەرى تىركەلگەن مەكەنجاي بويىنشا امبۋلاتورلى ەمدەۋگە جىبەرىلدى. وسىلايشا, دەر كەزىندە كورسەتىلگەن مەديتسينالىق كومەكتىڭ ارقاسىندا ۇسىك شالعاندار ەم-دوم قابىلداپ جاتىر.
