قوردالانىپ قالعان ماسەلەلەردىڭ اۋقىمىن ەسكەرە وتىرىپ, قالا اكىمدىگى 15 اقپانعا جوسپارلانعان ازاماتتاردى قابىلداۋدى ءبىر كۇنمەن شەكتەمەۋدى ءجون كوردى. استانا اكىمى باقىت سۇلتانوۆتىڭ تاپسىرماسىمەن 13-22 اقپان ارالىعى «اشىق ەسىك» اپتالىعى بولىپ جاريالاندى.
تۇرعىندارعا قولايلى بولۋ ءۇشىن ازاماتتاردى قابىلداۋ الماتى, بايقوڭىر, ەسىل, سارىارقا اۋداندارىندا وكىلەتتى مەملەكەتتىك ورگانداردىڭ (جۇمىسپەن قامتۋ جانە الەۋمەتتىك باعدارلامالار, قوعامدىق دەنساۋلىق ساقتاۋ, ءبىلىم جانە تاعى دا باسقا باسقارمالار) قاتىسۋىمەن وتەدى.
6 اقپاندا جانە ودان كەيىنگى كۇندەرى دە كوپبالالى انالاردان تۇسكەن تىلەك-وتىنىشتەر جەدەل جۇيەلەنىپ, ساراپتالىپ, ۇسىنىستارىمەن بىرگە ۇكىمەت جانىنان قۇرىلعان ازاماتتاردىڭ تابىسىن كوتەرۋ جانە ءومىر ءسۇرۋ ساپاسىن جاقسارتۋ جونىندەگى جۇمىس توبىنىڭ قاراۋىنا جىبەرىلدى.
جولدانعان ساۋالدار بويىنشا مەملەكەت باسشىسىنىڭ تاپسىرماسىنا سايكەس ەكى ايدىڭ ىشىندە كەشەندى شارالار قابىلدانادى, سونىڭ ىشىندە از قامتىلعان جانە كوپبالالى وتباسىلار ماسەلەلەرى دە قارالادى.
