نۇر-سۇلتاندا «اينالىم تەتىگى» جوباسىنا قاتىسۋشىلار سانى ارتادى. بۇل جوبا ساۋدا جەلىلەرىنە ازىق-تۇلىك ساتىپ الۋعا قاراجات ءبولۋ ەسەبىنەن الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋعا مۇمكىندىك بەرەدى.
«اينالىم تەتىگى» جوباسىنا «Magnum», «انۆار», «استىقجان», «كەڭمارت», «ۆكۋسمارت», «ايان», «اقمول» ءسۇ, «شاپاعات», «Small», «سارىارقا» بازارلارى جانە بىرقاتار دۇكەندەر قاتىسادى. نۇر-سۇلتان اكىمدىگىندە ساۋدا جەلىلەرى, بازار وكىلدەرىمەن, اۋىل شارۋاشىلىعى ونىمدەرىن وندىرۋشىلەرمەن جانە ت.ب. كەڭەس ءوتتى.
بۇدان باسقا, باكالەيا, كوكونىس, ەت جانە ءسۇت ونىمدەرىنە بىرقاتار وندىرۋشىلەرمەن جانە جەتكىزۋشىلەرمەن شارتتار جاسالدى, ونىڭ ىشىندە شامامەن 14 مىڭ توننا كوكونىس كەلىسىمشارتتارى جاسالدى. سونداي-اق جەڭىلدىكتى نەسيەلەۋ اياسىندا الەۋمەتتىك ناننىڭ باعاسىن تۇراقتاندىرۋ ءۇشىن 10 مىڭ توننا ۇنعا ء(بىرىنشى سۇرىپتى ۇننان جاسالعان نان), وسى جىلدىڭ سوڭىنا دەيىن بەس مىڭ توننا ۇنعا شارتتار جاسالدى.
سونداي-اق اۋىلشارۋاشىلىق جارمەڭكەلەرىن وتكىزۋ نارىقتىق باعادان تومەن باعانى ۇستاپ تۇرۋعا جانە ءونىمدى ساتۋعا مۇمكىندىك بەرەدى. رەسپۋبليكا وڭىرلەرىنىڭ قاتىسۋىمەن وتەتىن جارمەڭكەلەر 21 تامىزدان باستالىپ, قازان ايىنىڭ سوڭىنا دەيىن جالعاسادى. وسىعان دەيىنگى جارمەڭكەلەردە نارىقتىق باعادان ارزان مىڭ تونناعا جۋىق ءونىم ساتىلدى.
ينۆەستيتسيالار ەسەبىنەن ەلوردادا قۋاتتىلىعى جىلىنا 10 مىڭ توننا ءونىمدى قۇرايتىن 3 كوتەرمە-تاراتۋ ورتالىعى مەن ەكى جىلىجاي كەشەنىنىڭ قۇرىلىسى جۇرگىزىلۋدە. سونىمەن قاتار, قۋاتتىلىعى جىلىنا 5 مىڭ توننا نان-توقاش كومبيناتىن سالۋ بويىنشا ينۆەستيتسيالىق جوبا ىسكە اسىرىلۋدا. وڭىرلىك ينۆەستيتسيالىق كەڭەس اياسىندا, سونداي-اق وندىرىستىك-تاماق كەشەنىنىڭ ء(سۇت وڭدەۋ زاۋىتى, نان-توقاش كومبيناتى, كوكونىس قويماسى) قۇرىلىسىنا قولداۋ كورسەتىلدى.
