نۇر-سۇلتان قالاسى اكىمدىگىنىڭ ۇيىمداستىرۋىمەن الەۋمەتتىك از قامتىلعان وتباسىلارعا ازىق-تۇلىك سەبەتتەرى تاراتىلدى. كەزەكتى رەت وتكىزىلگەن قايىرىمدىلىق شاراسىندا تولىق ەمەس, مۇگەدەك بالالارى بار وتباسىلار, سول سياقتى جالعىزباستى زەينەتكەرلەردەن تۇراتىن 50-دەن اسا وتباسىعا ازىق-تۇلىك سەبەتى ۇلەستىرىلدى.
«ەل تاۋەلسىزدىگىنىڭ 30 جىلدىعىنا وراي قالا اكىمدىگىنىڭ ۇيىمداستىرۋىمەن جىل باسىنان بەرى 30 يگى ءىس باستاماسى جۇرگىزىلىپ جاتىر. ءار سەبەتتىڭ سالماعى – شامامەن 30 كەلى. سەبەتتىڭ ىشىندە كارتوپ, پياز, قىرىققابات, ۇن, جۇمىرتقا, سۇيىق ماي, ءسۇت, ايران, شۇجىق سەكىلدى تۇرمىسقا قاجەتتى ونىمدەر بار. بۇل جولعى قايىرىمدىلىق شاراسىنا اقمولا وبلىسىنىڭ كاسىپكەرلەرى دەمەۋشىلىك ەتىپ وتىر. يگىلىگى مول شارا بيىل باستالىپ, جىل سوڭىنا دەيىن جالعاسادى» دەيدى نۇر-سۇلتان قالاسى اكىمىنىڭ كەڭەسشىسى قۋانىش مولدابەك.
ەرىكتى جاننا سەيدىشوۆانىڭ ايتۋىنشا, ەرىكتىلەر توبى ىلعي دا ساۋابى مول شارانىڭ باسى-قاسىندا جۇرەدى. «بۇگىن «حان شاتىر» سوو جانىنداعى جارمەڭكەدە ازىق-تۇلىكتەردى سەبەتتەرگە ءبولىپ وتىرمىز. ءارى قاراي جاعدايى تومەن وتباسىلارعا تاراتامىز. ارنايى توبىمىز بار» دەيدى ول. كوپبالالى انا جازيرا ساريەۆا قالا اكىمدىگىنە بەرگەن ءوتىنىشى جاۋاپسىز قالمايتىنىنا ريزاشىلىق ءبىلدىردى. «اكىمدىك ۇنەمى كومەكتەسىپ تۇرادى. جاقىندا باسپانالى بولدىق. بۇرىن جەر ۇيدە ءبىر بولمەنى جالداپ تۇراتىن ەدىك. تۇرمىسى تومەن جاندارعا ىلعي دا قولداۋ كورسەتىلىپ وتىرادى. قالا اكىمدىگىنە العىسىم شەكسىز» دەيدى ول.
https://youtu.be/IEbUWHp03BM
