كورمەنىڭ ميلليونىنشى بيلەتىن ساتىپ العان وڭتۇستىك قازاقستان وبلىسىنىڭ تۇرعىنى قايرات ماماەۆ استانا كۇنى قارساڭىندا كورمە قالاشىعىن ارالادى.
ءساتتى بيلەتتى ءساۋىر ايىندا ساتىپ العان ول استاناعا ارنايى كەلگەن ەكەن. شىمكەنتتەگى جوعارى وقۋ ورىندارىنىڭ بىرىندە يننوۆاتسيالىق تەحنولوگيالار جونىندەگى پرورەكتور بولىپ قىزمەت اتقارادى.
«ەكسپو كورمەسىندەگى يننوۆاتسيالىق جاڭالىق پەن عىلىمي ىزدەنىستەردى تاماشالادىم. «نۇر الەم» سفەراسى مەن شەتەلدىك پاۆيلونداردىڭ الەۋەتىمەن تانىستىم. ميلليونىنشى بيلەتتى ساتىپ العان كەزدە كورمە اكىمشىلىگى استاناعا ارنايى شاقىرتىپ, قوناق ەتتى, باعالى سىيلىقتار تاپسىردى» دەيدى ول.
