مەملەكەت باسشىسى قاسىم-جومارت توقاەۆتىڭ تاپسىرماسىن ورىنداۋ ماقساتىندا استانادا ءبىلىم بەرۋ سالاسىنداعى سەرپىندى جوبالار جۇزەگە اسىپ, ءبىرشاما جۇمىس اتقارىلدى. جاڭا وقۋ جىلى باستالعالى بەرى باستى باسىمدىقتار بەلگىلەندى: قازىردىڭ وزىندە نە جاسالدى جانە جاقىن ارادا قانداي وزگەرىستەر بولادى؟ وسىعان توقتالساق.
مەكتەپتەر
استانا جىل وتكەن سايىن رەسپۋبليكانىڭ ءىرى مەگاپوليسى رەتىندە تارتىلىس ورتالىعى بولىپ قالا بەرەدى. وسىعان بايلانىستى حالىق سانى, ونىڭ ىشىندە مەكتەپ جاسىنداعى بالالار سانى وسۋدە.
– 2023-2024 وقۋ جىلىندا 1-سىنىپقا 28 مىڭنان استام بالا باردى. جىل سايىن ولاردىڭ قاتارى كوبەيىپ جاتقاندىقتان, مەملەكەت تاراپىنان ءبىلىم بەرۋ وشاعىن سالۋ, مەكتەپ پەن ۇستاز مارتەبەسىن كوتەرۋ باعىتىندا اۋقىمدى جۇمىس اتقارىلۋدا. قالا بويىنشا وقۋشىلار سانى 261128-ءدى قۇرايدى. ەلوردادا 171 مەكتەپ بولسا, 20 مىڭعا جۋىق ورىن جەتىسپەيدى. سول سەبەپتى 8 مەكتەپ ءۇش اۋىسىممەن جۇمىس ىستەپ جاتىر. سونىمەن قاتار مەملەكەت باسشىسىنىڭ تاپسىرماسىمەن كەلەسى جىلى «جايلى مەكتەپ» باعدارلاماسى بويىنشا 24 مەكتەپ ەسىگىن ايقارا اشپاق. بۇگىندە ولاردىڭ قۇرىلىسى باستالىپ كەتتى, كەلەسى جانە ارعى جىلى سول مەكتەپتەر پايدالانۋعا بەرىلگەندە, ءۇش اۋىسىممەن وقۋ پروبلەماسى شەشىلەدى. جاز بويى 49 مەكتەپتە جوندەۋ جۇمىسى, ونىڭ ىشىندە 9-ىنا كۇردەلى جوندەۋ جۇرگىزىلدى. وقۋشىلار قاجەت قۇرال-جابدىقپەن قامتاماسىز ەتىلگەن, ازىرگە پەداگوگتارعا دەگەن تاپشىلىق جوق, ءپان مۇعالىمدەرى جەتكىلىكتى. جاسالعان جۇمىس ءارى قاراي جالعاسىن تابادى. سوڭعى 4 جىلدا ەلوردادا 39 مەكتەپ سالىنىپ, 82 مىڭ وقۋشى ورنىن قۇرۋعا مۇمكىندىك بەرگەنىنە قاراماستان, تاپشىلىق ساقتالۋدا جانە 28 مىڭنان استام ورىندى قۇرايدى, – دەپ اتاپ ءوتتى استانا قالاسى اكىمىنىڭ ورىنباسارى ەسەت بايكەن.
2024-2025 جىلدارى 69 مىڭ ورىندىق 30 مەكتەپتى پايدالانۋعا بەرۋ جوسپارلانعان.
«جاڭا وقۋ وردالارى قاراساي باتىر مەن بۇلانتى كوشەلەرىنىڭ, تۇران داڭعىلى مەن №24 كوشەلەردىڭ قيىلىسىن قوسا العاندا, قالانىڭ ستراتەگيالىق ماڭىزدى نۇكتەلەرىنە ورنالاسادى» دەيدى استانا قالاسى ءبىلىم باسقارماسىنىڭ ءباسپاسوز قىزمەتى.
وقىتۋدىڭ قولايلى جاعدايىن قامتاماسىز ەتۋ ءۇشىن جۇمىس ىستەپ تۇرعان مەكتەپتەردىڭ اۋماعىندا جاڭا كورپۋستار سالۋ جوسپارلانۋدا.
– 2023 جىلى بيۋدجەت ەسەبىنەن 6000 (1 اۋىسىمدا) ورىندىق 7 مەكتەپ سالىندى. جەكە ينۆەستيتسيالار ەسەبىنەن 3300 (1 اۋىسىمدا) ورىندىق 5 مەكتەپ سالىندى. 2024 جىلى «جايلى مەكتەپ» ۇلتتىق جوباسى اياسىندا 28600 ورىندىق 15 مەكتەپ, بيۋدجەتتىك ينۆەستيتسيالار جوباسى اياسىندا 4250 ورىندىق 7 مەكتەپ پەن جەكە ينۆەستيتسيالار ەسەبىنەن 11362 ورىنعا 11 مەكتەپتىڭ قۇرىلىسىن سالۋ جوسپارلانۋدا. سوندا 2024 جىلى بارلىعى 44212 ورىنعا شاقتالعان 33 مەكتەپ, وقۋ جىلىنىڭ سوڭىندا 4 مەكتەپ سالىنادى. بيىل 12 مەكتەپ پايدالانۋعا بەرىلدى. بۇل قادامدار مەكتەپتەردىڭ شامادان تىس جۇكتەمەسىن ازايتۋ ماقساتىندا عانا ەمەس, سونىمەن قاتار بولاشاقتا وقۋشىلاردىڭ ورىن تاپشىلىعىن بولدىرماۋعا باعىتتالعان. جاڭا ءبىلىم وردالارى قالانىڭ بارلىق اۋدانىن, سونىڭ ىشىندە تۇرعىن الاپتاردى دا قامتيدى, – دەپ اتاپ ءوتتى ءباسپاسوز قىزمەتى.
بۇدان بولەك, ەلوردادا مەملەكەت باسشىسىنىڭ باستاماسىمەن «جايلى مەكتەپ» ۇلتتىق جوباسى ءساتتى جۇزەگە اسۋدا. وسى جوبا اياسىندا 2024-2025 جىلدارعا قاراي 24 زاماناۋي مەكتەپ سالۋ جوسپارلانۋدا. ستراتەگيالىق قادام ەكى اۋىسىمدا شامامەن 90 مىڭ وقۋشى ورنىن قۇرۋعا مۇمكىندىك بەرەدى.
ەلوردادا 29100 وقۋشىنى قامتيتىن 11 مەملەكەتتىك قوسىمشا ءبىلىم بەرۋ ۇيىمى, 135 قوسىمشا ءبىلىم بەرۋ ۇيىمىنىڭ فيليالدارى جانە 8 سommunity-ورتالىق (20 پايىزدى قۇرايدى) جۇمىس ىستەيدى. بۇگىنگى تاڭدا بالالاردى قوسىمشا بىلىممەن قامتۋ
81,5 پايىزدى نەمەسە 213556 ادامدى قۇرايدى
ستاتيستيكا مالىمەتىنە سايكەس, بۇگىنگى تاڭدا ەلوردادا 460 مىڭنان استام بالا تۇرادى, ونىڭ ىشىندە:
- بالاباقشالاردا – 68 مىڭنان استام بالا;
- مەكتەپتەردە – شامامەن
260 مىڭ بالا; - كوللەدجدەردە – 34 مىڭنان استام وقۋشى بار.
ەلوردادا بارلىعى 337 مىڭ بالاعا (236-سى – مەملەكەتتىك,
488-ءى – جەكە) 734 ءبىلىم وشاعى مەن مەكتەپكە دەيىنگى ۇيىم ءبىلىم بەرەدى, ونىڭ ىشىندە 171 مەكتەپ, 525 بالاباقشا, 11 قوسىمشا ءبىلىم بەرۋ ۇيىمى بار.
بالاباقشالار
مەكتەپكە دەيىنگى ءبىلىم بەرۋگە كەلەتىن بولساق, قازىرگى ۋاقىتتا استانا قالاسىندا 68129 بالانى قامتيتىن 525 مەكتەپكە دەيىنگى ۇيىم جۇمىس ىستەيدى:
- مەملەكەتتىك بالاباقشا سانى – 100 (كونتينگەنتى – 32494 تاربيەلەنۋشى, جوبالىق قۋاتى – 29639).
- جەكەمەنشىك بالاباقشا سانى – 424 (كونتينگەنتى – 35230 بالا), ونىڭ 412-سىنە مەملەكەتتىك تاپسىرىس بەرىلگەن.
- 3 ۆەدومستۆولىق بالاباقشادا 405 بالا بار.
مەكتەپ جاسىنا دەيىنگى بالالار كونتينگەنتى جىل سايىن بالا تۋ مەن كوشى-قون پروتسەسىنىڭ وسۋىنە بايلانىستى ارتىپ كەلەدى.
اعىمداعى كەزەڭدە Indigo ەلەكتروندى پورتالىندا كەزەككە 0-6 جاس ارالىعىنداعى 38767 بالا, 2-6 جاس ارالىعىنداعى 29563 بالا تىركەلگەن.
جىل بويى بالالاردى مەكتەپكە دەيىنگى تاربيەمەن جانە وقىتۋمەن قامتۋ بويىنشا جۇمىس جۇرگىزىلۋدە:
– 10317 ورىندىق جەكەمەنشىك مەكتەپكە دەيىنگى ۇيىمداردا مەكتەپكە دەيىنگى تاربيە مەن وقىتۋعا مەملەكەتتىك ءبىلىم بەرۋ تاپسىرىسىن ورنالاستىرۋ ەسەبىنەن, ونىڭ ىشىندە اعىمداعى جىلدىڭ قاڭتار-قىركۇيەك ايلارى ارالىعىندا 10124 ورىندىق 224 جەكەمەنشىك مەكتەپكە دەيىنگى ۇيىمداردا مەملەكەتتىك تاپسىرىس ورنالاستىرىلدى, – دەپ حابارلايدى ءبىلىم باسقارماسىنىڭ ءباسپاسوز قىزمەتى.
قوسىمشا ءبىلىم بەرۋ
وقۋشىلاردىڭ جەكە دامۋى, ءوزىن-ءوزى دامىتۋ شارتىنىڭ ءبىرى – قوسىمشا ءبىلىم بەرۋ جۇيەسىنىڭ ساپاسى مەن تيىمدىلىگىن ارتتىرۋ. ەلوردادا 29100 وقۋشىنى قامتيتىن 11 مەملەكەتتىك قوسىمشا ءبىلىم بەرۋ ۇيىمى, 135 قوسىمشا ءبىلىم بەرۋ ۇيىمىنىڭ فيليالدارى جانە 8 سommunity-ورتالىق (20 پايىزدى قۇرايدى) جۇمىس ىستەيدى.
بۇگىنگى تاڭدا بالالاردى قوسىمشا بىلىممەن قامتۋ 81,5 پايىزدى نەمەسە 213556 ادامدى قۇرايدى (استانا قالاسى بويىنشا وقۋشىلار سانى – 261128).
جىل سايىن بالالارعا قوسىمشا ءبىلىم بەرۋگە قاتىستى جاڭا نىساندار, ورتالىقتار, فيليالدار اشىلىپ جاتقانىنا قاراماستان, بۇگىنگى تاڭدا بۇل سالادا ورىن تاپشىلىعى سەزىلۋدە. وسىعان بايلانىستى 2029 جىلعا دەيىن 15 زاماناۋي وقۋشىلار سارايىن سالۋ جوسپارلانۋدا. بيىل ولاردىڭ 5-ەۋىنىڭ قالانىڭ ءار اۋدانىندا جوبالاۋى باستالدى.
بالا قاۋىپسىزدىگى ماڭىزدى
ماجىلىستە بالا قاۋىپسىزدىگىنە قاتىستى جاڭا زاڭ جوباسى ماقۇلداندى. ول 3 نەگىزگى باعىت بويىنشا ازىرلەنگەن. العاشقىسى – وقۋ ورداسىنداعى وقۋشىنىڭ باس اماندىعى. دەپۋتات اسحات ايماعامبەتوۆتىڭ دەرەگىنشە, سوڭعى 2 جىلدا 100-دەن اسا بالانىڭ تەرەزەدەن قۇلاۋ فاكتىسى تىركەلگەن. ولقىلىق اسىرەسە ۇلكەن مەگاپوليستەردە ورىن الىپ جاتقان كورىنەدى. سوندىقتان ماجىلىسمەن ماسەلەنى ارنايى زاڭمەن رەتتەۋ كەرەك ەكەنىن اتاپ ءوتتى.
– نەگىزگى ماسەلە – كىشكەنتاي بالالاردىڭ تەرەزەدەن قۇلاۋى. وكىنىشكە قاراي, سوڭعى ەكى جىلدا جۇزدەگەن بالا تەرەزەدەن قۇلاعان. قايتىس بولعاندار دا بار. سوندىقتان زاڭ جوباسى تەرەزەگە ارنايى قاۋىپسىزدىك مەحانيزمىن ورناتۋدى نەمەسە قۇلىپتاۋدى مىندەتتەيدى, – دەدى پارلامەنت ءماجىلىسىنىڭ دەپۋتاتى اسحات ايماعامبەتوۆ.
