بايقوڭىر اتاۋى بەكىتىلدى
جاقىندا قالالىق ءماسليحاتتىڭ تۇراقتى كوميسسيالارىنىڭ قوعامدىق تىڭداۋىندا استانادا اشىلاتىن ءتورتىنشى اۋدانعا بايقوڭىر اتاۋى ۇسىنىلىپ, ماقۇلداندى.
وسى اپتادا قالالىق ونوماستيكالىق كوميسسيا بۇل اتاۋدى تالقىلاپ, بەكىتتى. رەسپۋبليكالىق ونوماستيكالىق كوميسسيا قالالىق كوميسسيا شەشىمىن وزگەرتپەي, ءوز وتىرىسىنىڭ حاتتاماسىن اكىمدىككە جىبەردى. كەشە وتكەن قالالىق قوعامدىق كەڭەس وتىرىسىندا استانا ءماسليحاتىنىڭ حاتشىسى جانات نۇرپەيىسوۆ وسىلاي دەپ حابارلادى.
قوعامدىق كەڭەستە قارالعان ماسەلەلەردىڭ ءبىرى استانا قالاسىنىڭ شەكارالارىن بەلگىلەۋگە قاتىستى بولدى. ونىمەن ساۋلەت جانە قالا قۇرىلىسى باسقارماسىنىڭ باسشىسى باقتىباي تايتاليەۆ تانىستىردى.
«سوڭعى بەس جىلدا استانا حالقىنىڭ سانى 35 پايىزعا ۇلعايىپ, 645 مىڭ ادامنان 1 ملن 10 مىڭ ادامعا جەتتى. بىلتىر قالا تەرريتورياسىنا 8 مىڭنان استام گەكتار قوسىلدى. بۇل – مايبالىق كولى, پانتەون. حالىقتىڭ تىعىزدىعى ماسەلەسىن شەشۋ ءۇشىن جاڭا مەكتەپتەردى, بالاباقشالاردى, ەمحانالاردى, كولىك جۇيەسىن, ينجەنەرلىك ينفراقۇرىلىمدى سالۋ ماقساتىندا ءتورتىنشى اۋداندى اشۋ قاجەتتىلىگى تۋىندادى» دەدى بايانداماشى.
ونىڭ ايتۋىنشا, ءتورتىنشى اۋداننىڭ شىعىس بولىگى الماتى اۋدانىمەن, باتىس جانە وڭتۇستىك بولىگى سارىارقا اۋدانىمەن, ال ەسىل وزەنى ارناسىمەن ەسىل اۋدانىمەن شەكارالاسادى. جالپى العاندا, قالا اۋماعى 79 مىڭ 733 گەكتاردى قۇراسا, سونىڭ ىشىندە جاڭا اۋدان 18 مىڭ 129 گەكتاردى الادى. حالىق سانىنا كەلسەك, وندا 211 مىڭ ادام تۇراتىن بولادى.
قوعامدىق كەڭەس وتىرىسىندا, سونداي-اق, استاناداعى قورشاعان ورتانى ساۋىقتىرۋدىڭ 2018-2020 جىلدارعا ارنالعان كەشەندى جوسپارى جوباسى تالقىلاندى. جوبانى قالالىق تابيعي رەسۋرستەر جانە تابيعاتتى پايدالانۋدى رەتتەۋ باسقارماسىمەن بىرگە قازاقستاننىڭ ەكولوگيالىق ۇيىمدارى اسسوتسياتسياسى ازىرلەدى. اتالمىش اسسوتسياتسيا ءتورايىمى ايگۇل سولوۆەۆا كەڭەس مۇشەلەرى قويعان سۇراقتارعا جاۋاپ بەردى.
بۇل جوباعا سايكەس, پرومىشلەننىي تۇرعىن الابىن 2-جەو-دان كەلەتىن ورتالىقتاندىرىلعان جىلۋ جۇيەسىنە قوسۋ جوسپارلانۋدا. ا.سولوۆەۆانىڭ سوزىنشە, الايدا بۇل ەلدى مەكەننىڭ بۇكىل تۇرعىندارىن ورتالىقتان بەرىلەتىن جىلۋمەن قامتۋ ازىرگە مۇمكىن ەمەس. تەك ءبىر اۆتونومدى قازاندىقتى تۇتىنۋشىلار عانا ورتالىق جىلۋ جۇيەسىنە قوسىلادى. سول كەزدە قازاندىق جويىلادى. سونىڭ وزىندە اۋاعا تارالاتىن زياندى قالدىقتار ەداۋىر ازاياتىن كورىنەدى. ماسەلەن, «استانا ەنەرگيا» اق-تىڭ قورشاعان ورتانى قورعاۋ زەرتحاناسىنىڭ مەڭگەرۋشىسى ناتاليا مۋحينانىڭ ايتۋىنشا, قالدىقتار 17 تونناعا كەميدى.
وتىرىستا, بۇعان قوسا, قالا ەكولوگياسى, ەلورداعا گاز تارتۋ ماسەلەسى, ونىڭ تيىمدىلىگى تۋرالى ءبىراز ايتىلدى. وسىدان بىرنەشە جىل بۇرىن استانانىڭ بىرقاتار نىساندارى سۇيىتىلعان گازبەن جىلىتىلا باستادى. الداعى جىلدارى قىزىلوردادان قۇبىر بەرى قاراي تارتىلىپ, قاراعاندى ارقىلى تابيعي گاز دا كەلۋى ءتيىس. وسىنىڭ قايسىسى ارزانداۋ بولادى؟ كەڭەس مۇشەلەرىنىڭ پىكىرىنشە, ايتقانداي ايىرماشىلىق بايقالمايدى.
استاناداعى قورشاعان ورتانى ساۋىقتىرۋدىڭ 2018-2020 جىلدارعا ارنالعان كەشەندى جوسپارى جوباسىن جۇزەگە اسىرۋعا ينۆەستورلار تارتىلماق. قوعامدىق كەڭەس بۇل جوبانى بەكىتتى.
امانعالي قالجانوۆ
وتە ناشار اتاۋ! ناشار! قىزىلوردا وبلىسىنىڭ حالقىن ەكولوگيالىق اپاتقا ۇشىراتىپ, جۇرتتىڭ نالاسىنا قالىپ وتىرعان كوسموس گاۆانىنىڭ اتىن استاناعا اكەلىپ تىقپالاۋ ءتىپتى دە تاپقىرلىق ەمەس.
بايقوڭىردىڭ اتاۋى جونىندە. مەنىڭ اتى-ءجونىم – بەيسەنباي تەگى رۋزا زايكەنقىزى. ەرتەرەكتە, ءتىل ءۇشىن پاۆلودارليفتپەن سوتتاسقانىمدا, اتى-جونىمدە دە دۇرىس ەمەس جازۋ ءۇشىن تالابىم بولدى, سوتقا ارىزىمدا. سوت ارينە, قالاي بار, جەكە كۋالىگىمدە سونداي شەشىم شىعاردى. جۇمىسىمدى كەلىسىم-شارتتار ارقىلى اتقارامىن. ادەتتە 2 تىلدەگى. سونىڭ قازاقشاسىندا دا, تاۋ-كەن جەكە كاسىپكەرلىگى, بەيسەنباي تەگى رۋزا زايكەنقىزى. ورىسشاسىندا دا ءدال سولاي. سونى كەيبىرەۋلەر ورىسشا ماتىندە يپ تاۋ-كەن, فام. بەيسەنباي تەگي قىلعىسى كەلىپ-اق تۇرادى). كورسەتەم جەكە كۋالىگىمدى, كاسىپكەرلىك كۋالىگىمدى, قايدا ءبىر دە ءبىر ورىسشا ءسوز جوق, ايتامىن, زاڭ جۇزىندە دۇرىس ەمەس, قالاي كەلىسىم شارتقا وتىرامىز, ەگەر جوق ورىسشا اتاۋلاردى جازىپ قويدىڭىزدار دەيمىن. كەلىسەدى, ەندەشە؟
تىلدەر زاڭى, 19 باپتا, جەر-سۋ اتاۋلارى ترانسليتەراتسيا زاڭىمەن جازىلادى دەپ كورسەتىلگەن. ورىسشا ماتىندە, وعان باسقا تىلدەن كىرگەن ءسوزدى بەيىمدەۋ ول, بىلۋىمشە, ترانسكريپتسيا دەپ اتالادى. سوندىقتان بايكونۋر, بايكونىر. سايىپ كەلگەندە, ءبارىبىر قازاقشا ەمەس. ال ترانسليتەراتسيا بويىنشا, وندا باسقا تىلدەن كىرگەن ءسوز, كىرگەن ءتىلدىڭ ارىپتەرىمەن تۇپنۇسقادادا بەرىلەدى. سوندىقتان, بارلىق ورىسشا ماتىندەردە, دۇرىسى قازاق اتاۋىمەن بايقوڭىر بولۋى كەرەك. مىسالى ءجيى كەزدەستىرەمىز عوي, ورىسشا ماتىندە (قازاقشادا دا) اعىلشىن, ت.ب. تىلدەگى سوزدەردى ءوز تىلىندە, ءوز ارىپتەرىمەن جازىلىپ تۇرعانىن. بۇل دا سول سياقتى.
ايتپاقشى, جۇمىستارىمدا, ورىسشا ماتىندە دە جەر-سۋ اتاۋلارىن, 20 جىلداي, تەك قازاقشا جازامىن.