بايقوڭىر عارىش ايلاعىنان بورتىندا رەسەيلىك ۇشقىشتار الەكساندر سكۆورتسوۆ, ولەگ ارتەمەۆ جانە امەريكالىق استروناۆت ستيۆەن رەي سۆونسون بار «سويۋز تما-12م» عارىش كەمەسى ۇشىرىلدى.

ەلوردادا «استانا-جىلۋ ترانزيت» اق 25 ناۋرىزدان بەرى سۋدىڭ اعىپ كەتۋىن جانە ىستىق سۋمەن قامتۋ جۇيەلەرىنىڭ وسال جەرلەرىن انىقتاۋ ءۇشىن جىلۋ جەلىلەرىنىڭ جانە جىلۋ ەنەرگيا­سىن تۇتىنۋشىلار نىساندارىنىڭ اقاۋسىز نىعىزدىلىعىن سىناقتان وتكىزۋدە. وسىعان بايلانىستى ۆەدومستۆو تۇرعىندارعا سۋعا استانا قالاسى تۇتىنۋشىلاردىڭ قۇقىقتارىن قورعاۋ دەپارتامەنتىمەن كەلىسىلگەن جاسىل ءتۇستى ناتري فلۋورەستسەينى بوياعىشى قو­سىلعانىن مالىمدەپ, شۇمەكتەن نەمەسە جىلۋ قۇبىرلارىنان جاسىل ءتۇستى سۋ اعىپ جاتسا, 771200, 771211, 771216, 792160, 792162 تەلەفوندارىنا حابارلاسۋىڭىزدى سۇرايدى.