استانا قالاسىنىڭ ەڭ كورىكتى جەرلەرىنىڭ ءبىرى – «بايتەرەك» مونۋمەنتى ورنالاسقان الاڭ. قالاعا كەلگەن قوناقتىڭ ءبارى مىندەتتى تۇردە بايتەرەككە سوقپاي كەتپەيدى.
اسىرەسە, كۇن جىلى مەزگىلدە مونۋمەنت ماڭىنداعى ورىندىقتاردا, جاسىل جەلەكتە ادامدار دەمالىپ وتىرعانىن كورەسىز.
جاقىندا مەن ءسىڭلىمدى ەرتىپ, سول جەرگە سەرۋەندەۋگە باردىم. قاراسام, ءبىر تاتەي ۇلكەن ءيتىن جەتەكتەپ كەلىپتى. جاسىل جەلەككە بارىپ, ءيتىن بوساتىپ قويا بەردى. يت كوك شالعىن ءشوپتىڭ ۇستىندە اۋناقتاپ, ارسالاڭداپ ءارى-بەرى جۇگىردى. كىشكەنتاي ءسىڭلىم ءيتتى كورىپ, قورقىپ كەتتى. وعان ءمان بەرگەن تاتەي جوق, شالعىندا شالقالاپ جاتقان ءيتىن ەركەلەتىپ, سىلاپ-سيپاپ, وتىرا قالدى.
مەن تاڭ قالدىم. «بايتەرەكتىڭ» ماڭى ادامدار قىدىراتىن جەر مە, الدە يتپەن سەرۋەندەيتىن ورىن با؟ يت سارىپ, بىلعاپ كەتكەن جەرگە بۇدان كەيىن ءبىز جيىركەنبەي قالاي وتىرامىز؟
استانادا ءيتتى قىدىرتاتىن ارنايى ورىندار جوق پا؟ الدە يت پەن ادامداردىڭ ايىرماشىلىعى قالماعان با؟..
سول كۇننەن بەرى «بايتەرەك» جاققا اياعىم تارتپاي ءجۇر.
كاۋسار كەرەي
