استانانىڭ ورتالىعىندا كوككە بوي سوزىپ تۇرعان «بايتەرەك» – قازىرگى قازاقستاننىڭ نىشان-سيمۆولى, قازاق حالقىنىڭ قايتا ورلەۋى مەن تۇلەۋىنىڭ, مەملەكەتتىلىگىنىڭ, بيىكتىك پەن تەرەڭدىكتىڭ, كەڭدىكتىڭ بەلگىسى, دارحاندىقتىڭ كورىنىسى ىسپەتتى. ەكسپو حالىقارالىق كورمەسى اشىلعالى بەرى «بايتەرەكتىڭ» ۇشار باسىنا شىعىپ, ەسىلدىڭ ەكى جاعالاۋىندا جاتقان باس شاھارىمىزدى بيىكتەن تاماشالاۋشىلار سانى ءجۇز مىڭعا جۋىقتاسا, سونىڭ 25 مىڭى بالالار ەكەن. ءيا, بيىلعى جازدا «بايتەرەككە» شىعۋعا كەزەك كوپ. كەل دە كور!
