استانا قالالىق ءماسليحاتىنىڭ الەۋمەتتىك-مادەني دامۋ ماسەلەلەرى جونىندەگى تۇراقتى كوميسسياسىنىڭ وتىرىسى ءوتتى.
وتىرىستا «اۋتيزم, ەرەكشە قاجەتتىلىكتەرى بار بالالار مەن جەتىمدەردى قولداۋ» قوعامدىق قورىنىڭ ءوتىنىشى قارالدى.
بۇل ماسەلە بويىنشا بىرقاتار قالالىق باسقارما وكىلدەرى بايانداما جاسادى. ءبىلىم باسقارماسىنىڭ باسشىسى ءانۋار جانعوزيننىڭ ايتۋىنشا, شاھارداعى مەكتەپتەردىڭ 90 پايىزىندا ەرەكشە قاجەتتىلىكتى تالاپ ەتەتىن بالالاردى وقىتۋعا ءمۇمكىندىك جاسالعان. سونداي-اق 12 بالاباقشا دا وسىنداي بالدىرعاندارعا ارنايى توپتار قۇرىلعان. ال قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ماعريپا ەمبەرگەنوۆا جىل ساناپ اۋتيزمگە شالدىققان بالالاردىڭ سانى ءوسىپ كەلە جاتقاندىعىن ايتتى. « ءبىزدىڭ پسيحيكالىق دەنساۋلىق ورتالىعىندا ەلەكتروندىق قور جۇمىس ىستەيدى. وندا اۋتيزمگە شالدىققان جەتكىنشەكتەر تىركەلگەن. وسى جىلدىڭ باسىندا وسى دەرت بويىنشا 441 بالا انىقتالدى. وتكەن جىلى 122 جەتكىنشەك تىركەلدى» دەدى ول.
جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ارتەم ءابيلدينوۆتىڭ مالىمدەۋىنشە, قالادا 25 مىڭنان استام مۇمكىندىگى شەكتەۋلى ازامات تىركەلگەن. وعان ەرەكشە قاجەتتىلىكتى تالاپ ەتەتىن بالالار دا كىرەدى. بۇگىندە مۇنداي جەتكىنشەكتەرگە قوعامدىق كولىكتەردى تەگىن پايدالانۋ قۇقىعى بەرىلگەن. سونداي-اق ولارعا تەگىن الەۋمەتتىك كومەك كورسەتەتىن مەكەمەلەر جەلىسى جۇمىس ىستەيدى. قازىر وسىنداي كومەكتى 121 بالا الىپ وتىر.
سونىمەن قاتار وتىرىستا ستراتەگيالىق جانە بيۋدجەتتىك جوسپارلاۋ باسقارماسى, قوعامدىق دامۋ ىستەرى باسقارماسى, مادەنيەت جانە سپورت باسقارماسى, كولىك جانە جول-كولىك ينفراقۇرىلىمىن دامىتۋ باسقارماسىنىڭ وكىلدەرى ءسوز الىپ, وسى باعىتتا وزدەرى اتقارىپ وتىرعان ءىس-شارالار تۋرالى باياندادى.
