جاڭا جىل مەيرامى قارساڭىندا «قازمۇنايگاز» ۇك اق ادام رەسۋرستارىن باسقارۋ جانە ەڭبەكاقى بويىنشا باسقارۋشى ديرەكتورى سەرىك ابدەنوۆ استانا قالاسى ماڭىندا ورنالاسقان «سۆەتوچ» وتباسى جانە وتباسىلىق قارىم-قاتىناستار دامۋىنىڭ قايىرىمدىلىق ورتالىعى» قوعامدىق قورىنىڭ «سۆەتوچ» بالالار ءۇيىنىڭ جاعدايىمەن تانىستى.
قمگ وكىلى, بالالار ءۇيىنىڭ 30 تاربيەلەنۋشىلەرىنە سىيلىقتار بەرىپ, كومپانيامەن 25 جەلتوقسان كۇنى تاۋەلسىزدىك سارايىندا ۇيىمداستىرىلاتىن جاڭاجىلدىق ەرتەڭگىلىككە شاقىرۋ بيلەتتەرىن سىيلادى.
سونىمەن قاتار, سىيلىقتار مەن شاقىرۋلار «جاس ۇلان» مەكتەبىنىڭ 20 جەتىم بالالارىنا تابىستالدى.
اتالعان قايىرىمدىلىق اكتسياسى ءار جىل سايىن قمگ-مەن اتا-اناسىنىڭ قامقورىنسىز قالعان بالالارعا كورسەتىلەتىن قامقورلىق كومەك باعدارلاماسىنىڭ اياسىندا ىسكە اسىرىلادى, جانە بولاشاقتا دا باستى نازاردا ۇستالاتىنى انىق.
جالپىلاما ايتقاندا, «قازمۇنايگاز» مۇگەدەك, اتا-انا قامقورىنسىز قالعان جانە دارىندى بالالارعا قولداۋ كورسەتۋ ماسەلەسىنە ۇلكەن كوڭىل بولەدى. بۇعان دالەل, «سۆەتوچ» بالالار ءۇيى قمگ قامقورلىعىن وسىمەن 14 جىل بويى كورىپ كەلەدى. جىل سايىن «SOS قازاقستاننىڭ بالالار اۋىلدارى» كورپوراتيۆتىك قورىنا, «شىعارماشىلىق پەداگوگيكا» قوعامدىق قورىنىڭ «ينتەللەكتۋالدى وليمپيادا» تەلەجوباسىنا (قمگ 2002 جىلدان باس دەمەۋشى), «KAZENERGY» قوعامدىق قورىنىڭ سافي وتەباەۆا اتىنداعى ستيپەنديا جانە گرانتىنا جانە باسقا دا ءبىر-قاتار ءبىلىم بەرۋ جوبالارىنا دەمەۋشىلىك (قايىرىمدىلىق) كومەك جاسالادى.
وتكەن جىلى قمگ-مەن جالپى سوماسى 5,2 ملرد. تەڭگە كولەمىندە دەمەۋشىلىك جانە قايىرىمدىلىق كومەك كورسەتىلدى. اعىمداعى جىلى, جۇمىستار 5,1 ملرد. تەڭگە كولەمىندە جوسپارلانعان.
